image

হাওবম সত্যবতিদা সাহিত্য একাদমী এৱার্দ পীরগনি

ইম্ফাল, দিসেম্বর ১৮ : চহী অসিগী সাহিত্য একাদেমীনা লৈবাক অসিদা ঙাঙনরিবা লোল ২১ গী অইবা অমদি অইবীশিংদা লান্থোকপা সাহিত্য একাদমী এৱার্দকী মিং লাউথোকপদা মণিপুরদগী অইবী হাওবম সত্যবতি য়াওরক্লে।  চহী অসিগী ওইনা ইন্দিয়াগী লোন ২১ দা এৱার্দ অসি লান্থোক্নবা খনগৎপদা মণিপুরী লোনগী ওইনা শগোলবন্দ মৈনো লৈরক্তগী হাওবম সত্যবতিগী ‘মাইনু বোরা নুংশি শৈরোল’ হায়রিবা শৈরেং লাইরিক অসিসু লেমজনিংঙাই ওইরবা এৱার্দ অসি পীনবগীদমক য়াওরকখিবনি।
এৱার্দ লাউথোকপা অসিগা মরী লৈননা সাহিত্য একাদমীগী সেক্রেতরি দাঃ কে শ্রীনিভাস রাওনা খূৎয়েক পীদুনা ঙসি থাদোরকপা চেরোল অমনা, চহী অসিগী ওইনা তোঙান-তোঙানবা লোল ২১ গী অইবা অমদি অইবীশিং দা সাহিত্য একাদমী এৱার্দ অসি পীনবা খনগৎপসিদা শৈরেং লাইরিক ৮, নোভেল ৩, ৱারী মচাগী লাইরিক ২, লিতরেরি ক্রিতিসিজম ৩, এসে ৩, প্লে ১ অমসুং রিসার্চকী লাইরিক ১ য়াওরি।

এৱার্দ লান্থোকপগী থৌরম্না মথং চহীগী মার্চ ৮দা নিউ দিল্লীগী কোপরনিকস মার্গতা লৈবা কমানি ওদিতোরিয়মদা পাঙথোক্কনি। এৱার্দ অসিদা শেল ওইনা লুপা লাক্ষ ১, শাল ১ অমদি কোরিগী অহকপা কোরিগী প্লেক ১ য়াওরি হায়নসু চেরোল অসিনা মখা তারি।

নীংশিংবা য়াবদি, হন্দক্কী সাহিত্য একাদমি এৱার্দ, ২০২৪ গী জ্যুরি মেম্বরশিংগী মরক্তা মণিপুরী লোনগী ওইনা প্রোঃ হুইরেম বেহারি সিংহ, দাঃ মাখোনমনি মোংশাবা অমসুং সোরোকখাইবম গম্ভিনি য়াওরি।

সোর্স; পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু