বাংলাদেশকী শকনাইরবা পলিটিশিয়ান অমসুং সোশিয়েল এক্টিভিষ্ট ফলেম ধীরেন সিংহ লৈখিদ্রবগী ২শুবা নিংশিং থৌরম পাঙথোকখ্রে
ডিসেম্বর ৭, সিলেট : মণিপুরী যুব সমিতি (বামযুস)না শীন্দুনা বাংলাদেশকী শক্নাইরবা পলিটিশিয়ান, বাংলাদেশের সাম্যবাদী দল এম-এল গী পলিট ব্যুরো মেম্বার অমসুং সিলেট জেলাগী জেনারেল সেক্রেটারীগী ফম পুবিরম্বা অমসুং মণিপুরী যুব সমিতিগী সভাপতি ফম পুবিরম্বা বাংলাদেশ মীতৈ খুন্নাইগী লুচিং পুরেল জননেতা কমরেড ফলেম ধীরেন সিংহ লৈখিদ্রবগী চহী ২ শুবা নিংশিংবগী থৌরম ঙরাং সিলেট শিবগঞ্জ খুঞ্জাগী উইভিং সেন্টার'দা পাংথোকখ্রে।
থৌরমগী অহানবদা ফলেম ধীরেন’গী ফটোদা লৈ কৎতুনা তিনবিরিবা ময়াম্না ইকায়খুম্নবা উৎখি অমসুং মিনিট ১ তুমিন লেপ্তুনা লৈখিদ্রবা থয়াইগী শান্তি নিখি। মথংদা কমরেড ধীরেনবু নিংশিংদুনা লাইরিক মচা অমসু তিনবিরিবা গেস্ট ময়ামনা মাইখুম হাংদোকখি।
মথংদ সংস্থা অসিগি সেক্রেটারী ইনচার্জ য়ুম্নাম লাড়ু সিংহনা কন্ডাক্ট তৌদুনা সংস্থাগী প্রেসিডেন্ট এল. নীহার সিংহনা প্রীসাইড তৌখিবা নিংশিংবগী থৌরম অসিদা ওজা ধীরেনবু নিংশিংদুনা ৱাহৈ থম্বিখি সংস্থা অসিগী জেনারেল সেক্রেটারী এম. মহেন, সোসেল এক্টিভিস্ট মণিপুরী স্বর্ণ সমিতিগী জেনারেল সেক্রেটারী অমসুং সিলেট কাং এসোসিয়েশনগী প্রেসিডেন্ট য়ুম্নাম নৃপেন্দ্র, বাংলাদেশ মণিপুরী সাহিত্য সংসদকী জেনারেল সেক্রেটারী নামব্রম শংকর, জয়েন্ট সেক্রেটারী খুন্দ্রাকপম সমেন্দ্র সিংহ, অসেম ধর্মজীৎ, রজনীষ সিংহ মাঙাল, জয়মোহন সিংহ, শ্মরণ সিংহ, সজল সিংহ, ধীমান সিংহ, কৈষাম ইনুংঙানবা ৱা ঙাংখি। অরোইবদা ফলেম ধীরেনগী লোয়নবী শান্তনা'না থাগৎ ৱাহৈ থম্লদুনা ফলেম ধীরেন'না মংলমবা মং অমসুং পায়খৎলম্বা থৌরম কয়া ময়াম চংনা অমত্তা ওইনা পাঙথোক্নবা হায়খি।
0 কমেন্ট:
কমেন্ট তৌবিয়ু