থা অমগী মনুংদা ভাগ্যচন্দ্র কলচরেল ফাউন্ডেশন্না শীন্দুনা ম্যানমারদা ভাগ্যচন্দ্রগী তিথি উৎসব
আগরতলা, ওক্টোবর ০৮ : ইংকুমজা ১৭৯৮ দা রাজর্ষি ভাগ্যচন্দ্র না লৈখিদবগী ২২৮ শুবা পূণ্য তিথি হন্দক চহী ম্যানমারদা তর্পণ কৎপগা লোয়ননা উৎসব পাঙথোক্কদৌরি। রাজর্ষি ভাগ্যচন্দ্র কলচরেল ফাউন্ডেশন গী মীওই ৩৬ না শাবা টিম অমা লাক্লিবা অক্টোবর তাং ১১ দা কোলকাতা ওইনা য়াংগুন মন্ডলেদা অক্টোবর তাং ১২ দগী ১৪ ফাওবা নুমিৎ ৩নি চুপ্পা মন্ডলেগী মৈতৈ খুল অহুমদা পূণ্য তিথি অসি পাঙথোক্কনি।
মন্ডলেগী ইরাবতি তুরেলদা তর্পন কৎপগা লোয়ননা আমরাপুরাদা মৈতৈনা তাবা মফমদা তিথি অসি পাঙথোক্কনি। অক্টোবর ১৩, মন্ডলেদা লৈবা বামোন খুঞ্জাওদা হৈকৎ লৈকৎ তম্বা, নট সংকীর্তন নচিংবা পূণ্য তিথি পাঙথোক্কনি হায়রি। ফাউন্ডেশন অসিনা মৈতৈ অমসুং বার্মীজ লোন অনীনা ফোঙবা ২০২৭ গী কেলেন্ডার অমা রিলিজ তৌবগা লোয়ননা মৈতৈ খুলগী য়ুমকোক খুদিং কেলেন্ডার য়েন্থোক্নবা শীনরমগনি হায়রি। ভাগ্যচন্দ্রগী মরমদা বার্মীজ লোন্দা ইবা ৱারী, মৈতৈশিংনা ম্যানমারদা করস্না লাকখিবনো, ম্যানমারদা মৈতৈ মশীং কয়া লৈ অসিনচিংবা খোমজিল্লগা সোভেনির মৈতৈ অমসুং বার্মীজ লোন অনীদা ফোঙগনি। টিম অসিনা মন্ডলেগী খুল খরদা খুঞ্জাশিংগা উন্নদুনা নুংশি ৱারী শান্নগনি হায়রি।
পনবা য়াবদি ইং কুমজা ২০২০ দা ফাউন্ডেশন অসিনা অহানবা ওইনা ম্যানমারদা রাজর্ষি ভাগ্যচন্দ্রগী মপোক কুমওন হৌদোকপীরম্মী। থৌরম অদুদা ডেলিগেট ১৮০ শরুক য়াখি।
সোর্স : মরূপ
0 কমেন্ট:
কমেন্ট তৌবিয়ু