বাংলাদেশগী কমলগঞ্জতা মনিপুরী মুসলিম টিচার্স ফোরামনা মহৈরোয়শিংদা মহৈ তম্নবগী পোৎলমশিং অমদি খন্ন নৈননবগী থৌরম পাংথোকখ্রে
সিলেট, ওক্টোবর ১১ : মৌলভীবাজারগী কমলগঞ্জতা মনিপুরী মণিপুরী টিচার্স ফোরামনা থৌরাংদুনা নৈন-মীফম, মহৈরোয়শিংদা মহৈ তম্নবগী পোৎলমশিং য়েন্থোকপা অমদি হন্দক রিটায়ার্ড ওইরবা ওজাশিংবু ইকায়খুম্নবা উৎপা লোয়ননা হন্দক নৌনা ওজাগী শিনফমদা জয়েন্ট তৌরকখিবা ওজাশিংবু তরাম্ন ওকপগী থৌরম পাংথোকখি।
ঙরাং থাংজ নুমিৎ (১০, ওক্টোবর) অয়ুক ১০.৩০ তাব মতমদা আদমপুর বজারদা লৈবা তেতইগাঁও রসিদ উদ্দিন হাইস্কুলগী অডিটোরিয়াম হোলরুমদা থৌরম অদু পাংথোকখি। থৌরম অদুদা মহৈরোয় চাম মুক্তা পোৎলমশিং য়েন্থোকখি অমদি লাইরিক্কী তম্নবগী মতাংদা খন্ন নৈনখি।
মনিপুরী মুসলিম টিচার্স ফোরামগী প্রেসিডেন্ট মো: শাহাজ উদ্দিননা প্রিসাইড তৌখিবা থৌরম অদুদা চিফ গেস্ট ওইনা শ্রীমঙ্গল গভমেন্ট কলেজকী এক্টিং প্রিন্সিপাল প্রোফেসর মো:মুজিবুর রহমান শরুখ য়াখি।
গেস্ট অব ওনার ওইনা শরুক য়াখি তেতই গাঁও রসিদ উদ্দিন হাইস্কুলগী হেড মাস্টার বিলকিস বেগম, পাঙালগী শক্নাইরবা অইবা হাজী মো:আব্দুস সামাদ, কমলগঞ্জ প্রেসক্লাবকী প্রেসিডেন্ট আসহাবুজামান শাওন।
পবিত্র কোরআন তেলওয়াত পাথোক্লদুনা থৌরম অদু হৌদোকখি। থৌরম অদুদা তেতিগাঁও সরকারী প্রাথমিক বিদ্যালয়গী হন্দক্তা রিটায়ার্ড ওইখ্রবা হেড মাস্টার মো: নূুর উদ্দিনবু ক্রেস্ট অমসুং লেংয়ান য়ান্দুনা ইকায়খুম্নবা উৎখি। লোয়ননা নৌনা প্রাইমারি টিচর ওইনা জয়েন্ট তৌরকখ্রবা ফারহানা পারভিন, আনোয়ার হোসেন অমসুং নাসরিন আক্তারবু লেংয়ান য়ান্দুনা ইকায়খুম্নবা উৎখি।
থৌরম অদুদা নৌনা ওজাগী শিনফমদা চংলকখিবা ওজা অমনা পুক্নিংগী ৱারোল পিখি। থৌরম অদু ফোরমগী জেনরেল সেক্রেটারি মো: ফরিদ আহেমদনা কন্ডাক্ট তৌখি।
0 কমেন্ট:
কমেন্ট তৌবিয়ু