স্নাখ্যা আরকে কমলজিৎ বার্থ সেন্টিনারীগী অরোইবা থৌরম পাঙথোক্কনি
আগরতলা, জুলাই ১৫: মণিপুরী সাহিত্য পরিষদ, ত্রিপুরানা পরিষদ অসি হৌদোকপীরম্বা লৈখিদ্রবা স্নাখ্যা রাজকুমার কমলজিৎ সিংহগী চহী চামা শুবা মপোক কুমওন (সেন্টিনারী) লোইশিনবগী থৌরম পাঙথোক্কনি হায়রে। চৎখিবা নিংথৌকাবা পরিষদকী এক্সিক্যুটিভ কমিটিগী মীফমদা ৱারেপ লৌদুনা আগষ্ট তাং ৮, ইরাই নুমিৎ আগরতলা প্রেস ক্লাবতা মরূপ পাউচেগা খূৎশম্নরগা বার্থ সেন্টিনারগী লোইশিনবগী থৌরম পাঙথোক্কদৌরি।
থৌরমদা মণিপুরগী লূপ খরগী মীহৎ খরা য়াওনা লন্নাই মীওই খরসু শরুক য়ানবা বার্তোন তৌবা হায়না মীফমদা লেপ্নখি। পনবা য়াবদি চৎখিবা চহী ইং ২০২৪ গী আগষ্ট ৮দা স্নাখ্যাগী ইমুং মনুং অমদি মরূপ পাউচে না শীন্দুনা চহী চামশুবা মপোক কুমওন সেন্টিনারী সেলেব্রেশন হৌদোকখিবা মতুংদগী মথং মথং ত্রিপুরাদা মণিপুরী লিটরেরী এ্যান্ড কালচারেল ফোরাম, বাংলাদেশতা মণিপুরী সাহিত্য সংসদ, কাছাড়দা নহারোল খোরিরোল শীল্লুপ মণিপুরী ল্যাঙ্গুয়েজ ডেভেলপমেন্ট সোসাইটি, আসাম (মালাদেশ) অমসুং ইম্ফালদা সাথৌলুপ, সাহিত্য পরিষদ, রাজর্ষিভাগ্যচন্দ্র কালচরেল ফাউন্ডেশন, ভি.আই.পি. আরনা পুন্না স্নাখ্যাগী বার্থ সেন্টিনারী থৌরম অসি ইম্ফালদা পাঙথোকখি।
সোর্স: মরূপ পাউচে
0 কমেন্ট:
কমেন্ট তৌবিয়ু