কাংচিংবাঃ মণিপুরী জাতীয় উৎসব লোইশিনখ্রে
আগরতলা, জুলাই ১৫: হিন্দু লাইনিং চৎপশিংগী শেংলবা কুম্মৈ অমা ওইরিবা হন্দক চহীগী কাং চিংবা অমদি অরোইবা কাং চিংবা (উল্টো রথ) হরাও কুম্মৈ থৌরম পাঙথোকখ্রে। কাং চিংবা অসি মণিপুরীগীদি জাতীয় উৎসব অমনি। উৎসব অসি ত্রিপুরাতা নত্তে, মণিপুর, আসাম, বাংলাদেশ নচিংবা মফম মফমদা কাং হরাওই। রাধানগর, অভয়নগর, ধলেশ্বর, আওলী, বড়জলা নচিংবা ত্রিপুরাগী তোঙান তোঙানবা ডিষ্ট্রিক্ট ৬ দা তাবা মৈতৈ খুঙ্গংশিংদা কাং হরাওনখি।
চহী খুদিং তৌনা হন্দকসু নুমিৎ মাপন্নি চুপ্না খুঙ্গং খুঙ্গংদা জয়দেব চোংবা, দশবতার, যুগল রূপ, বৃন্দাবন বর্ণনা, অনুরাগ নচিংবা খুবাকৈ ঈসৈ হরাও কুম্মৈ পাঙথোক্নখি।
বাংলাদেশতসু সনাতোন ধর্ম্ম লাইনিং চৎপশিংনা সিলেটকী রেকাবী বাজারদা কাং পূল্লগা দশবতার, জয়দেব চোঙবা, লাই আরতী নচিংবা থৌগল তৌখি। মসিগী মমাংদা কাংগী থৌরম গা মরী লৈননা কাং উদযাপন কমিটিনা শীন্দুনা নৈন থৌরম অমদা গুরুময়ুম অশোক শর্ম্মা, এল প্রশান্ত কুমার সিনহা, ৱাই নৃপেন্দ্র, সমরেন্দ্র সিংহ, এল. মিন্টু সিংহ, গীগেন সিংহ, মাইবম রতন, নামব্রম রতন নচিংবা শরুক য়াখি।
পনবা য়াবদি চহী তরেৎ খুন্তাকপদা ইনিংথৌ গম্ভীর সিংহনা বাংলাদেশতা অহানবা কাং চিংবা হৌদোকপীরম্বা অদু ঙসিসু পাঙথোক্তুনা লাক্লিবনি হায়রি।
সোর্স: মরূপ
0 কমেন্ট:
কমেন্ট তৌবিয়ু