• 352
• ১৪ই জুলাই ২০২৫ ইং
• Share on:

১৩ শুবা সাহিত্য কীর্ত্তন পাঙথোকখ্রে

 শিলচর, জুলাই ১৫: হাইলাকান্দি লাইশ্রম খুনদা চহীগী সাহিত্য কীর্ত্তন হন্দকসু পাঙথোকখ্রে। শক্নাইরবা অইবা সুব্রামনা শীন্দুনা হন্দক্কী ১৩শুবা সাহিত্য কীর্ত্তনদা ত্রিপুরাগী শক্নাইরবা অইবা এল বীরমঙ্গল সিংহদা ‘অসেম হরিমোহন ইমাচাউবী নীংশিং লাইফ টাইম এচিভমেন্ট এৱার্দ’ পীদুনা ইকাইখুম্নখ্রে। মনা অসিগা কোন্ননা লুপা লিশিং মঙা, সাইটেশন অমদি লেংয়ান য়াওখি। পনবা য়াবদি মনা অসি অসেম মনিনা কৎপনি হায়রি।

                      অইবা এল বীরমঙ্গল সিংহ

ঙসি জুলাই তাং ১০, অসেম মনি সিংহ, সাহিত্য ভূষননা থৌরম মপু ওইরগা অয়ুক্তা পাঙথোকখিবা থৌরমদা লাইরিক মরিসু ফোঙখি। থৌরমদা মণিপুরী সাহিত্য পরিষদ আসামগী হান্নগী প্রেসিডেন্ট ঙাঙোম জয়কুমার অমসুং থৌগন মরূপ জারিবোনগী প্রেসিডেন্ট নেপ্রম মনিন্দ্র সিংহ নচিংবা শরুক য়াখি। থৌরম অসিগা মরী লৈননা তোঙান তোঙানবা অইবা মরিনা ফোঙখিবা লাইরিকশিং অদুদি সুব্রামগী ‘লৌশিং চাওবা মরি’ হাওবম অতোম্বগী ‘মুৎখ্রবা লাইবক্কী সিন্দুর’, পি হেমন্তগী ‘অরেপ্পা লৈতবা খোঙচৎ’ অমসুং পঞ্চানন্দ শর্মা শাস্ত্রীগী ‘শিব আজ্ঞা’ নি।

১৩ শুবা হন্দক্কী ‘সাহিত্য কীর্ত্তন’ দা ত্রিপুরাদগী শক্নাইরবী কবি এল মীনা য়াওনা কাছাড়গী তোঙান তোঙানবা মফম কয়াদগী শরুক য়াখিবা অইবা অইবীশিংনা মথং মনাও নায়না মশা মশানা ইবা ৱারেং, শৈরেং অমদি ৱারী মচা পাথোক্নখি।

সোর্স: মরূপ