রিফোর্মনা শীন্দুনা ১৭শুবা ইন্টরনেসনেল মাদর্স লেংগ্বেজ দেগী থৌরম পাঙথোকখ্রে
ইস্ফাল, ফেব্রুয়ারি ২১ : মালেমগী তোঙান তোঙানবা মফমশিংদা পাঙথোক্লবগুম ঙসি রিছার্স ফোরম মণিপুর (রিফোম) না শীন্দুনা য়ুথ ভোইস ওন মল্টিলেঙ্গুয়েল এদুকেসন হায়বা হীরমদা য়ুম্ফম ওইদুনা ১৭শুবা মালেমগী মমালোনগী নুমিৎ, ইন্টরনেসনেল মাদর্স লেংগ্বেজ দেগী থৌরম পাড়থোকখ্রে।
ইম্ফালগী জি পি ৱুমেন্স কোলেজ গী ওদিটোরিয়মদা পাঙথোকথিবা থৌরম অদুদা লেংগেজ প্লান্নিং এন্দ ইমপ্লিমেন্টেসন, গভর্ণমেন্ট ওফ মণিপুরগী দিরেক্তর লাইশ্রম রাধাকান্তনা অথোইবা মীথুং রিফোর্মগী প্রসিদেন্ট প্রোফেসর সি ঐচ ইবোহল মৈতৈনা থৌরম মপু অমদি জি পি ৱুমেন্স কোলেজগী প্রিন্সিপাল প্রোফেসর লোংজম রাজেননা অখন্নবা মীথুং ওইনা শরুক য়াখি।
থৌরম অদুগা মরী লৈননা রিফোর্মগী প্রসিদেন্ট প্রোফেসর সিঐচ ইবোহলনসু নহাশিংদা লোন অসি য়োকখৎপদা অচৌবা থৌদাং লৌনবা ৱাফম কয় থম্লদুনা এন ইপি ২০২০না লাকপদা ইমালোনদা অৱাংবা থাক্কী মহৈ ফাওবা তম্বদা খুদোংচানবা হাপচিল্লকপা লৈখ্রে হায়খি।
ইমালোন চাউখৎনবা হোৎনবদা রিফোর্মনসু তোঙান তোঙানবা থবক থৌরম কয়া পায়খৎনবা শেম শাদুনা লৈরে হায়বগা লোয়ননা খুদিংমক্নসু অচৌবা খৌদাং লৌমিন্নসি হায়না ফোঙদোকখি। লমদম অসিদা ইং চিকপা তংদু লৈতাবা পূরক্লবা হোৎনবদা ইমালোননা ফাওনলোন ওইদুনা হান্নগুম নুংশি চান্ননা লৈমিন্নবা লমদম অমা ওইরসনু হায়খি।
থৌরমগী অখন্নবা ৱারোল পীরদুনা এআই আর ইম্ফালগী এসিস্টেন্ট ন্যুজ দিরেত্তর থোকচোম জোগেন্দ্রজিনা মাস মেদিয়া এদুকেসন, কম্মু্নিকেশন অমদি ইন্টরটেনমেন্টদা মরী লৈনবা ৱাফমশিং থমখিবগা লোয়ননা ত্রান্সলেসনদা হেন্না খূদোংচাননবা ৱার্দ বেঙ্ককুম্বা লৈহন্নিংবগী অপাম্বা ফোঙদোকখি।
থৌরমগী অথোইবা মীথুংগী ৱারোল পীরদুনা লেংগ্বেজ, প্লানিং এন্দ ইমপ্লিমেন্টেসনগী দিরেক্তর লাইশ্রম রাধাকান্তনা হায়, দিরেকক্তোরেট অসিনা ক্লাস ১দগী ৮ ফাওবাগী ত্রান্সলেসনগী থবক, থৌরম অয়াম্বা লোইশিল্লক্লে হায়না ফোঙদোকখি।
মহাক্লা মখা তানা হায়, লেংগ্বেজকী ওইবা সবজেক্টশিং নত্তনা সাইন্স, সোসিয়েল সাইন্স অমদি মেথমেটিক্সশিংগী ওইনা ত্রান্সলেসনগী থবক থৌরম লোইশিনবনি। মসিদা হন্দোকপা য়াদবা লোনশিংদা খুদোংচাদবা খরদি মায়োক্নৈ হায়খি।
সোর্স - পাউনিলখোন
0 কমেন্ট:
কমেন্ট তৌবিয়ু