থা ১৮ চৎথোক-চৎশিন থিংনা লৈরুরবা আগরতলা-ঢাকা-কলকাতা বাস চেল্লে
আগরতলা, ফেব্রুয়ারী ২৬ : বাংলাদেশ ভিসা পীবা হৌখ্রে। লোয়ননা আগরতলা-কলকাতা-ঢাকা বাস অমুক চেনবা হৌরে। রাজনীতিনা মরম ওইদুনা ইং ২০২৪ সেপ্টেম্বরদগী মৈত্রী অমসুং শ্যামলী বাস অনী থিংদুনা লৈখি।
রাজনীতিদা অহোংবা খরা লাকপদগী মৈত্রী অমসুং শ্যামলীগী থৌপুবশিংনা ৱারী শান্নবা মতুংদগী বাস চেনবা হৌখ্রে। ফেব্রুৱারী ২৪, মন্ত্রী সুশান্ত চৌধুরীনা আখাউড়া বোর্ডারদা পেসেঞ্জারশিংবু ওকখি। মহাক্কা লোয়ননা টি.আর.টি.সি চেয়ারম্যান সমর রায়, এমডি হেমন্ত দেববর্মা য়াওনা অতৈ মীওই কয়াসু শরুক য়াখি। পনবা য়াবদি বাংলাদেশতগী শ্যামলী বাস নিংথৌকাবা, য়ুমশাকৈশা, থাংজা নুমিৎ আগরতলা লাক্কনি অদুগা নোংমাইজিং, লৈবাকপোকপা, শগোলশেন নুমিৎ আগরতলাদগী মৈত্রী বাস ঢাকা চৎকনি। ভিসাগী মতাং আগরতলাদা লৈবা এসিঃ হাই কমিশনার হাসান উলায়িনা মহৌশাগী ফীভমদা লৈরগনি হায়খ্রে।
ত্রিপুরাগী মুখ্যমন্ত্রী ড. মানিক সাহানা আগরতলা-ঢাকা- কলকাতা বাস সার্ভিস হৌবগী তরাম্না ওকপগা লোয়ননা হরাওবসু ফোঙদোকখ্রে। পনবা য়াবদি ইং ২০১৫ দা আগরতলা-ঢাকা-কলকাতা ইন্টরনেশনেল বাস সার্ভিস অসি অহানবা হৌদোকখিবনি।
সোর্স : মরূপ
0 কমেন্ট:
কমেন্ট তৌবিয়ু