• 108
• ২২শে ফেব্ররুয়ারি ২০২৬ ইং
• Share on:

মালেমগী ইমালোনগী নুমিৎ পাংথোকখ্রে; বাংলাদেশকি মণিপুরীশিংনসু নুমিৎ অসিবু ইকায়খুম্নবা উৎখ্রে

সিলেট, ফেব্রুয়ারী ২১ : ঙসি ২১ ফেব্রুয়ারীনি। মালেমগী ইমালোনগী নুমিৎনি। ইমালোনগীদমক্তা খৃস্টগী ১৯৫২গী ২১দা বাংলাদেশকী কোনুং ঢাকাদা চাওরবা লোনগী ইহৌ অমা পাকিস্তান সরকারগী মায়োক্তা খোংজং চংশিনখি।  পুলিশকী ব্যারিকেড নমখায়দুনা চৎখিবা খোংজং অদুদা লাঠিচার্জকা লোয়ননা নোংমৈ কাপশিল্লকপদগী  সালাম, রফিক, বরকত, জব্বারনচিংবা মীওই কয়ামা শহীদ ওইখি। ফেব্রুয়ারী ২১ নুমিৎ অসিবু লোনগী নুমিৎ ওইবা খক্তা নত্তনা মালেমগী লোনগী নুমিৎ ওইনা পাংথোক্নরি। বাংলাদেশতা মীশিং লিক্না খুন্দা লৈতাদুনা লৈরিবা মণিপুরীশিংনসু লোনগী নুমিৎ অসিবু ইকায়খুম্নবা উৎখি।

বাংলাদেশকী কোনুং ঢাকাদা লৈবা মণিপুরীশিংগী লূপ 'ঢাকাবাসী মণিপুরী' সংস্থান অসিনা চহি খুদিংগী তৌবগুম  ঙসিসু ঢাকাদা লৈবা সেন্ট্রাল শহীদ মিনারদা লৈ কৎপগী থৌরাং '' প্রভাত ফেরি'' দা শরুক য়াদুনা মৈতৈ লোন, মৈতৈ ময়েক, মণিপুরীবু শক্তাকপগী চাওরবা থৌদাং অমা লৌখি।  

অদুগা লোয়ননা সিলেটতা 'বাংলাদেশ  মণিপুরী সাহিত্য সংসদ' না সিলেটকী শহীদ মিনার অমদি ভানুগাছকী ভানুবিলদা লৈবা কৃষ্ণচন্দ্র সরকারী প্রাথমিক বিদ্যালয়দা এথনিক কমিউনিটি ডেভেলপমেন্ট অর্গানাইশেন (একডো), নুপিশিংগী ওইবা লূপ 'ছনগাঁও মৈরা পাইবি মহিলা সমিতি'নসু ছনগাঁও সরকারী প্রাথমিক বিদ্যালয়গী শহীদ মিনারদা লৈ কৎতুনা নুমিৎ অসিবু ইকায়খুম্নবা উৎখি।