মিরাবাই চনুবু আই দব্লিউ এল এফকী এথলেত কম্মিসনগী চেয়ারপার্সন হাপখ্রে
ইম্ফাল, এপ্রিল ১৬ : ওলিম্পিক মেদলিস্ত সাইখোম মিরাবাই চনুবু ইন্দিয়ান ওয়েটলিফতিং ফেদরেসনগী এথলেতস কম্মিসনগী চেয়ারপার্সন ওইনা ঙরাং খনখ্রে।
সাইখোম মিরাবাই চনু ওলিম্পিক্সতা মেদল লৌবা ঙমখিবা ইন্দিয়াগী ২ শুবা ওয়েটলিফতরনি। মহাক্না ২০২০ দা পাঙথোকপা তোকিয়ো ওলিম্পিক্তা কেজি ৪৯ গী কেতেগরিদা সিলভর মেদল লৌবা ঙমখিবনি।
মহাকপু চেয়ারপার্সন ওইনা খল্লকপদা ইন্দিয়ান ওয়েটলিফতিং ফেদরেসন অমসুং কমিতি মেম্বরশিংবু থাগৎপা ফোঙদোক্লদুনা মিরাবাইনা হায়, মহাক্না ওয়েটলিফতিং শান্নমিন্নরিবশিংগী ভোইস অদুবু রিপ্রেজেন্ত তৌদুনা সাপোর্ত তৌনবগী খুদোংচাবা পীবা অসি মহাক্কী ওইনা য়াম্না চাউথোকচনিংঙাইনি।
মঙোন্দা পীরিবা রোল অমদি রেস্পোন্সিবিলিতি অদু সেরিয়স ওইনা লৌরগা থবক তৌগনি। স্পোর্তসতা ফোকস পীনবা এথলেতশিংগী ভোইস অমদি ভিউপোইন্ত অদু মরুওইবা চেনেলশিংদা শন্দোকহন্নবা থবক পায়খৎকনি। মঙোন্দা থাজবা য়াম থম্বীবগীদমক মহাক্কী কোচ সহদেব য়াদবপু হায়নিংঙাই লৈতনা থাগৎলি। অমরোমদা কমিতি মেম্বরশিংনা অমত্তা ওইনা য়ানদুনা মঙোন্দা ভোত পীবীবগীদমক থাগৎলি হায়না মিরাবাইনা ফোঙদোকখি।
সোর্স: পোক্নফম
0 কমেন্ট:
কমেন্ট তৌবিয়ু