মন্দলেদা লাই হরাওবা পাঙথোকখ্রে
ইম্ফাল, জুন ১৭ : ইঙা থাগী ১০ নি পানবা নোংমাইজিং নুমিত্তা মন্দলে রিজনগী অমরাপুরা তাউনশিপ য়িচিপোক ভিলেজদা লৈবা ইমা লৈমরেল শিদবীগী খুভমদা লাই হরাওবগী থৌরম অমা পাঙথোকখ্রে।
ইমা লৈমরেল শিদবীগী অনৌবা ফিজোল হোংদুনা পাঙথোকখিবা লাই হরাওবা অদুদা খুঞ্জাও লৈচাওনবা, চাহোং-ঙাহোংবা, তীনকোক-লাইকোকপীনবা অমদি ঈংনা-চিক্না লৈনবা থৌনখি। থৌরম অদুদা মন্দলেদগী অকোয়বদা তাবা মৈতৈ কয়ানা থৌনিবা লাক্নখি হায়রি।
ইম্ফালদগী ফিদম (ফেদরেসন ওব ইন্দিজিনস পিপলস দেমোক্রেতিক মুবমেন্ত) না এম এম দি এ অমদি ইপুধৌ পাখঙবা লাইনিংকোল মন্দলেগা খূৎশম্নদুনা এম এম দি এগী সি ই সিসু ওইরিবা ইপুধৌ পাখঙবা লাইনিংকোল মন্দলেগী প্রেসিদেন্ত অমসুং ফিদমগী এক্সক্লুসিব মেম্বর এন ঙাঙোম অঙোমচানা মপূং ওইবা থৌদাং লৌরগা থৌরম অদু পাঙথোকখিবনি হায়রি।লাক্কদবা থৌরমশিংদদি সনা কোনুংগী নিংথৌ সনাজাওবা লৈশেম্বসু লায় হরাওবগী শরুক য়াদুনা হেন্না চাউনা পাঙথোক্নবা থৌরাং তৌগনি হায়রি।
“মণিপুরদা নোংমা নোংমগী মীশি মীনা, অৱা-অনা কয়া থোক্রিবা থৌদোকশিং অসি লাপ্না লৈবনা মতেঙ পাঙবা ঙমদ্রবসু নুংঙাইতবদা শরুক য়ারি। হান্নগী পুন্সিদা হঞ্জিহন্নবা লৈঙাক অসিগী পূক্নিং চিংশিল্লি” হায়বা মন্দলেগী মৈতৈশিংনা ফোঙদোকখি হায়রি।
মীশীং য়ামজদবা সনামহি লাইনিং চৎপশিংগী খনবীরগা সনামহিজমবু ইন্দিয়াগী কনস্তিত্যুসনদা হাপ্পীদুনা সনামহি লাইনিংবু রিলিজিয়স মাইনোরিতি স্তেতস থম্বীয়ু হায়বা ৱাফমসু ফিদমগী চেরোল অসিদা থম্লক্লি।
সোর্স : পোক্নফম
0 কমেন্ট:
কমেন্ট তৌবিয়ু