রাইটার্স ওব মণিপুরনা রিলিফ কেম্পশিংদা মতেঙ পাংখ্রে
ইম্ফাল, জুন ১৬ : থা অসিগী ৬তগী জিরিবামদা থোকখিবা কাঙলূপকী ঈরাংনা মরম ওইরগা ময়ুম-মকৈ থাদোক্তুনা লাঞ্জেন্নরক্তুনা রিলিফ কেম্পশিংদা লৈরিবা মীয়ামদা রাইতর্স ওব মণিপুর, জিরি ব্রাঞ্চনা ‘পুনশিন্নসি ঐখোয়’ হায়বা ৱাখল্লোনদা অইবশিংগী তেঙবাং খোঙচৎ অমা পাংখ্রে।
খোঙচৎ অসিগা মরী লৈনা বিদ্যানগরদা লৈবা স্পোর্তস কমপ্লেক্সতা হাংলিবা রিলিফ কেম্পতা চান-থক্নবা পোৎলম কয়া মতেঙ পাংখিবগা লোয়ননা দব্লিউ ও এমগী মেম্বর সরত থোকচোম্না হায়, জিরিগগী অইবা-অইবীশিংনা পূনশিল্লগা ঙমজবা খরা খাইগৎনরগা রিলিফ কেম্পশিংদা চান-থক্নবা পোৎ-চৈ য়াওনা পোৎ-চৈকয়া মতেঙতৌবনি। মসিদা নুংশিবীদুনা ত্রিপুরা, বাংলাদেশ, গুৱাহাতি, কছার অমদি ইম্ফালদগী য়াওনা তোঙান-তোঙানবা মফমদগী অইবা-অইবীশিংনা মহাক্কী মতেঙ পাংলি হায়খি।
হন্দক জিরিবামদা থোক্লিবা থৌদোক অসি থম্মোয় কায়নিং ঙাইনি। ময়াম্না নংলিবা অৱাবা অসিদা রাইর্তস ওব মণিপুরসু শরুক য়ারি। লোয়ননা রিলিফ কেম্প অসিদা লৈরিবা মীয়াম্নসু অথুবদা মণিপুরদা শান্তি হঞ্জিন্দুনা ইশা-ইশাগী য়ূমদা হঞ্জিবা ঙম্বা ওইরসনু হায়খি।
দব্লিউ ও এম, জিরি ব্রাঞ্চকী এসিস্তেন্ত মিদিয়া কোওর্দিনেটর, লোইদোমতোম্বী লাইশ্রমনা হায়, ঙসিগী ‘পূনশিন্নসি ঐখোয়’ হায়বা ৱাখল্লোন্দা জিরিবামদা হাংলিবা রিলিফ কেম্পশিংদা চত্তুনা ইনতেমমেতশিংগা হকথেংননা উন্দুনা অৱা-নংঙাই পাউদম্বগা লোয়ননা তেঙবাংগী পোৎ-চৈশিং খূৎশিন্নবনি হায়খি।
সোর্স: পোক্নফম
0 কমেন্ট:
কমেন্ট তৌবিয়ু