বাংলাদেশ মণিপুরী সাহিত্য সংসদ (বামসাস)কী সনা ফুদোংবা 'গোল্ডেন জুবিলি' সেলিব্রেশন লোইশিনবগী থৌরম হৌদোকখ্রে
সিলেট, নভেম্বর ১৪ : বাংলাদেশ মণিপুরী সাহিত্য সংসদকী (বামসাস) সনা ফুদোংবগা মরী লৈননা পাংথোকপা চহি চুপ্পা 'গোল্ডেন জুবিলি' সেলিব্রেশন থৌরম পরেংগী লোইশিনবা থৌরম ওইনা নুমিৎ নিনি চুপ্না পাংথোক্কদবা 'ক্লোজিং সিরিমনি' গী অহানবা নুমিৎ ঙসি নভেম্বর ১৪, ২০২৫ (ইরাই নুমিৎ), মৌলভীবাজার ডিস্ট্রিক্টকী কমলগঞ্জ, তেতইগাঁওদা লৈবা মণিপুরী কালচরেল কমপ্লেক্সতা পাংথোকখ্রে।
শৈহৌ ঈশৈ শকতুনা থৌরম হৌদোকপগি মতাং অমা
'গোল্ডেন জুবিলি সেলিব্রেশন কমিটি'গী কনভেনর এল. প্রশান্ত কুমার সিংহনা ময়ায় তাংবল লৌখিবা হৌদোকপগী সেশনদুদা সুপ্রীম কোর্টকী সিনিয়র এডভোকেট এস সি সিনহানা চীফ গেষ্ট অদুগা গেষ্ট অব অনার ওইনা ইম্ফালদগী সাহিত্য পরিষদকী জোয়েন্ট সেক্রেটারী ড. এল রামেশ্বর, সাহিত্য থৌপাং লুপকী এডভাইজর কবি রাজকুমার বুদ্ধিমন্ত সিংহ, লৈকোলগী জি.এস অরিবম ঘনপ্রিয়া দেবী শরুক য়াখি হায়রি। বামসাসকী প্রেসিডেন্ট এ কে শেরাম অমসুং ইম্ফালদগী একাডেমি এৱার্দি শরতচান্দ থিয়ামনা পেপার পাথোকখি।
কনভেনর এল. প্রশান্ত কুমার সিংহনা ময়ায় তাংবল লৌখিবা হৌদোকপগী সেশন
নুংথিলগী থৌরমদা বাংলাদেশ লৈঙাক্কী রিটায়ার্দ এডিশন্যাল সেক্রেটরি শ্রী শশী কুমার সিংহনা চীফ গেষ্ট ওইরগা গেষ্ট ওফ ওনারগী ফমদা লৈঙাক্কী অফিসার মাখনচন্দ্র সূত্রধর, মণিপুরদগী একাডেমি এৱার্দি শরতচান্দ থিয়াম, সাহিত্য পরিষদ ইম্ফালগী জি.এস এলাংবম প্রিয়ব্রত, লৈকোল'গী প্রেসিডেন্ট চোংথাম সুবদনী দেবী শরুক য়াখি অমসুং সনা ফুদোংবা থৌরম অসিগা মরী লৈননা শক্নাইরবা বাংলাদেশকী মণিপুরী ডান্সকী আর্টিষ্ট শর্মিলা বন্দোপাধ্যায়, তামান্না রহমান, শান্তনা দেবী অমসুং ওয়ার্দা রিহাবপু ইকাইখুম্নখি।
নুংথিলগী সেশনদা শক্নাইরবা বাংলাদেশকী মণিপুরী ডান্সকী আর্টিষ্ট মরিবু ইকাইখুম্নবগী মতাং অমা
ঙসিগী থৌরমগী অরোইবদা মণিপুরগী শক্লাইরবা ঈশৈ কলাকার কোস্থৌজম বোবিন অমদি সিলেটকী শক্নায়রাবা রবীন্দ্র সংগীত শৈশকপা রানা কুমার য়াওনা বাংলাদেশ অমসুং ইন্ডিয়াগী আর্টিষ্ট ময়াম্না মখল মথেলগী ঈশৈ-জগোয় কয়া খুদোল তমখি হায়রি।
পনবা য়াবদি, হয়েং থাংজ নুমিৎতা বামসাস'কী 'গোল্ডেন জুবিলি' সেলিব্রেশন থৌরমগা মরী লৈননা কবি লাইস্রম সমরেন্দ্র, এলাংবম সোনামনি, আরকে সিএস অমসুং রতন থিয়ামগী মফমদা ইকাইখুম্নবা শ্রদ্ধাঞ্জলি কৎপগী থৌরমসু পাঙথোক্কনি হায়রি।
0 কমেন্ট:
কমেন্ট তৌবিয়ু