ত্রিপুরাগী মীথোই মীহেনবা মণিপুরী মহৈরোয়শিংবু মনিপুরী সাহিত্য পরিষদ ত্রিপুরানা ওকখ্রে
ইম্ফাল, নভেম্বর ১০ : ত্রিপুরা বোর্দ ওব সেকেন্দরি এদজুকেসন (তি বি এস ই) না লৌবা মাধ্যমিক পরিক্ষা (সেকেন্দরি একজামিনেসন/মেত্রিক) ২০২৫ অমদি হায়ার সেকেন্দরি একজামিনেসন ২০২৫ দা ফার্স্ত দিবিজন মায় পাক্লবা ত্রিপুরাগী দ্রিস্ত্রিক্ত অহুম নোর্থ, উনাকোটি অমসুং ধলাই দিস্ত্রিক্ততা লৈবা মণিপুরী মহৈরোয়শিংবু মণিপুরী সাহিত্য পরিষদ ত্রিপুরাগী মখাদা লৈবা ব্রাঞ্চ অনীনা তোঙান তোঙানবা থৌরমদা ওকখ্রে।
মণিপুর সাহিত্য পরিষদ ত্রিপুরাগী নোর্থ দিস্ত্রিক্ত ব্রাঞ্চনা শীন্দুনা হৌখিবা নবেম্বর ৮দা ধর্মনগর রাজবারীদা পাঙথোকখিবা থৌরমদা ত্রিপুরাগী নোর্থ অমসুং উনাকোটি দিস্ত্রিক্তকী মণিপুরী মহৈরোয় ২১ ওক্তুনা মনা পীদুনা পূক্নিং থৌগৎখি।
মণিপুর সাহিত্য ত্রিপুরাগী নোর্থ দিস্ত্রিক্ত ব্রাঞ্চকী প্রেসিদেন্ত অহৈবম বুধাচন্দ্রনা থৌরম মপু ওইরগা আগরতলাদগী মণিপুরী সাহিত্য পরিষদ ত্রিপুরাগী এদভাইজর ৱাংখেম বিরমঙ্গল, পরিষদ অসিগী প্রেসিদেন্ত লাঙ্গোলজম বিরমঙ্গল, ৱাই মেমচানচিংবা শরুক য়াখিবা থৌরম অদুদা মুতুম চিত্রা মনা, এল রতন কুমার নীংশিং মনা, পি মনাস নিংমিং মনা, কে চন্দ্রদ্বাজা অমসুং জি রাজেশ্বর শর্ম্মা নীংশিং মনা লান্থোকখি লোয়ননা আসাম য়ুনিবর্সিতিদগী গোল্ড মেদল ফংলকখ্রবী কামেশ্বর গ্রামগী নিঙোল ঐচ কাবেরী সিংহবুসু ইকায়খুম্নখি। থৌরম অদুদা দশ অবতার জগোয়, থাঙ-তানচিংবা উৎখি হায়রি।
নভেম্বর ৯দনা মণিপুরী সাহিত্য পরিষদ ত্রিপুরাগী ধলাই দিস্ত্রিক্ত ব্রাঞ্চনা শীন্দুনা কমলপুর নাজপুর ভবনদা পাঙথোকখিবা থৌরম ত্রিপুরাগী ধলাই দিস্ত্রিক্ততগী মণিপুর মহৈরোয় ৩৫ ওক্তুনা মনা পীদুনা পূক্নিং থৌগৎখি।
মণিপুরী সাহিত্য পরিষদ ত্রিপুরাগী ধলাই দিস্ত্রিক্ত ব্রাঞ্চকী ভাইস প্রেসিদেন্ত তিঐচ কুলবীধুনা থৌরম মপু ওইরগা মণিপুরী সাহিত্য পরিষদ ত্রিপুরাগী এদভাইজর ৱাংখেম বিরমঙ্গল, পরিষদ অসিগী প্রেসিদেন্ত লাঙ্গোলজম বিরমঙ্গল, জেনরেল সেক্রেতরি থৌদাম নিলকুমার, এসিস্তেন্ত সেক্রেতরি কে অতুল কুমার অমসুং লমদম অদুগী শক্নাইরবশিং মোইজিং চুমরা উদ্দিন, শজাবম স্মাইল মিয়া, সাজাবম নুরুল হক নচিংবা শরুক য়াদুনা পাঙথোকখিবা থৌরম অদুদা তি বিরেন্দ্র চন্দ্র নীংশিং মনা, পদ্মাবতী নিংশিং মনা, মুতুম চিত্রা অমসুং এল রতন কুমার নীংশিং মনা লান্থোকখি হায়রি।
সোর্স: পোক্নফম
0 কমেন্ট:
কমেন্ট তৌবিয়ু