ত্রিপুরাদা ইপুথৌ পুথিবা দেবতা বারিগী নৌনা শাবা শঙলেন শঙ্গাখ্রে
ইম্ফাল, নভেম্বর ২২ : ত্রিপুরাগী অভয়নগরদা নৌনা শাবা ইপুথৌ পুথিবা দেবতা বারিগী শঙলেন ঙসি মণিপুরদগী এম পি নিংথৌ সনাজাওবা লৈশেম্বা অমদি এক্স মিনিস্তর এল সুসিন্দ্রো মৈতৈ য়াওনা ত্রিপুরাগী চীফ মিনিস্তর প্রোঃ দাঃ মনিক শাহনা শঙ্গাখ্রে।
দিস্ত্রিক্ত মেজিস্ত্রেত এন্দ কল্লেক্তর, ওয়েস্ট ত্রিপুরা দিস্ত্রিক্তকী মীৎয়েং মখাদা পুথিবা ৱেলফেয়ার এন্দ কলচরেল সোসাইতিনা শীন্দুনা পাঙথোকখিবা থৌরম অদুদা পুথিবা ৱেলফেয়ার এন্দ কলচরেল সোসাইতিগী এদভাইজর এন নিরঞ্জন দত্তনা প্রেসিদেন্ত, এ এম সিগী মেয়োর অমদি ত্রিপুরা লেজিসলেতিব এসেমব্লিগী এম এল এ দিপক মজুমদর অমদি ৱেস্ত ত্রিপুরা দিস্ত্রিক্তকী দিস্ত্রিক্ত মেজিস্ত্রেত এন্দ কল্লেক্তর দাঃ ভিশাল কুমারনা গেস্ত ওব ওনর অমদি স্পিসিয়েল গেস্ত ওইনা শরুক য়াখি।
শঙ্গাবগী থৌরম অদুদা এম পি লৈশেম্বা সনাজাওবনা হায়, ত্রিপুরা অসি নোর্থ ইস্ত স্তেতশিংনা তারিবা মণিপুরী পূম্নমক্কী য়াম্না মরু লম্বী অমা ওইরিবনি। স্তেত অসিদা খুন্দারিবা মীতৈশিংনা ইশাগী চৎনবী, নাৎ অমদি কলচর ঙাক্তুনা থম্বা তঙায়ফদে। ইশাগী ইনাৎ কলচর ঙাক্না ত্রিপুরাগীদমক হিংগদবনি অমদি ত্রিপুরাগীদমক শিগদবনি। মীতৈ হায়বা ফুরূপ অসি থকসি-খাসি য়াম্না লৈবা ফুরূপ অমনি। ফুরূপ অসি কন্নবগীদমক ঐখোয় খুদীংমক্না চপ চাবা থৌদাং লৌমিন্নবা চঙই। স্তেত অসিগী কোনুং আগরতলাগী অভয়নগরদা লৈরিবা ইপুথৌ পুথিবগী লাইফম অসিগী মনুংদা মণিপুরীশিংগী ওইবা গেস্ত হাউস অমা শাবীনবা নিংথৌ সনাজাওবা লৈশেম্বনা ত্রিপুরাগী চীফ মিনিস্তর মানিক শাহগী পূক্নিংসু চিংশিনখি।
সোর্স: পোক্নফম
0 কমেন্ট:
কমেন্ট তৌবিয়ু