হোজাইদা গ্রামলোক পাঙথোকখ্রে
ইম্ফাল, নবেম্বর ৪ঃ সাহিত একাডেমি, ন্যু দিল্লি অমদি মণিপুরী সাহিত্য পরিষদ, অসাম, হোজাই দিস্ট্রিক্ট কম্মিটিগা খুৎশম্নদুনা হোজাইগী পরিষদ হোলদা ঙসি নুংখিল পুং ২ তাবদা গ্রামলোক পাঙথোকখে হায়রি।
থৌরমসিদা মণিপুরী সাহিত্য পরিষদ, অসাম, হোজাই দিস্ট্রিক্ট কম্মিটিগী প্রসিদেন্ট তেনশুবম মণিহার অমদি মণিপুরী লেঙ্গুয়েজ এদভাইজরি বোর্ডকী কনভেনর প্রোফেসার রাজেন তোইজাম্বনা ময়াই তাংবলদা ফমখি। মণিপুরী সাহিত্য পরিষদ, অসাম, হোজাই দিস্ট্রিক্ট কম্মিটিগী সেক্রেটরি জয় মোইরাংথেম্বনা তরান্না ওকপগী ৱারোল পীদুনা হৌদোকখিবা থৌরমদুদা প্রোফেসার রাজেন তোইজাম্বনা সাহিত্য একাডেমিগী মখাদা লৈরিবা থৌরম কয়াগী মতাংদা মরিক চুম্বা ৱাফম কয়া থমখি।
হোজাইদা পাংথোকপা গ্রামলোক থৌরমগী মতাং অমা
হায়রিবা থৌরমসিদা হোজাইগী তোঙান-তোঙানবা অইবা ১৭ না ৱারীমচা অমদি শৈরেং পাথোকখি। থৌরমগী লোইশিল্লকপদা পরিষদ অসিগী এসিস্টেন্ট সেক্রেটরি শানৌজম নবিননা থাগৎ ৱাহৈ পীদুনা থৌরমসি মাই পাক্না লোইশিনখি হায়রি।
সোর্স - সঙাই এক্সপ্রেস
0 কমেন্ট:
কমেন্ট তৌবিয়ু