ৱার্ল্ড মীতৈ কাউন্সিল মণিপুর স্তেত য়ুনিতকী এন্যুএল জেনরেল বোদি মীতিং পাঙথোকখ্রে
ইম্ফাল, মে ২৬ : ৱার্ল্ড মীতৈ কাউন্সিল মণিপুর স্তেত য়ুনিতকী এন্যুএল জেনারেল বোদি মীতিং ঙসি ককচীং দিস্ত্রিক্তকী মনুং চন্না লৈবা লমজাও ময়াই লৈকায়গী পান্থোইবী শঙলেনদা পাঙথোকখ্রে।
ঙসিগী মীফম অদুদা ফেদারেসন ওব হাওমীগী প্রেসিদেন্ত সাপমচা জদুমণিনা চীফ গেস্ত, ৱার্ল্ড মীতৈ কাউন্সিল মণিপুর স্তেত য়ুনিতকী প্রেসিদেন্ত উরিখিনবম কুঞ্জোনা প্রেসিদেন্ত, এম য়ুগী ফোর্মর ভিসি প্রো. কাঙুজম য়ুগিন্দ্রো, ইমাগী মৈরাগী প্রেসিদেন্ত থোকচোম সুজাতা, লমজাও অপূনবা মৈরা পায়বীগী প্রেসিদেন্ত য়ূম্নাম ইবেনী, দব্লিউ এম সি সেন্ত্রেল একজিক্যুতিব কমিতিগী মেম্বর, পাঙনতাবী গ্রাম পঞ্চায়তকী এক্স প্রধান অহোংশাংবম ধীরেন, দব্লিউ এম সি উইমেন্স ফ্রন্তগী প্রেসিদেন্ত য়ু মণিতোম্বী, দব্লিউ এম সি দিল্লী য়ুনিতকী প্রেসিদেন্ত এন মণিচন্দ্রনা গেস্ত ওব ওনরশিং অমদি দব্লিউ এম সি সেন্ত্রেল একজিক্যুতিব কমিতিগী মেম্বর, পাঙনতাবী গ্রাম পঞ্চাতকী এক্স প্রধান অহোংশাংবম ধীরেন, দব্লিউ এম সি উইমেন্স ফ্রন্তগী প্রেসিদেন্ত য়ু মণিতোম্বী, দব্লিউ এম সি দিল্লী য়ুনিতকী প্রেসিদেন্ত এন মণিচন্দ্রনা গেস্ত ওব ওনরশিং অমদি দব্লিউ এম সি সেন্ত্রেল কমিতিগী সেক্রেতরি জেনরেল য়াম্বেম অরুন মীতৈনা দিস্তংগুইস গেস্ত ওইনা শরুক য়াখি।
থৌরম অদুদা সাপমচা জাদুমণিনা ফোঙদোকখিবদা, মণিপুর কনশি হায়রবদি মীতৈ খক কনবনা য়ারোই। য়েলহৌ ফুরুপ ২৫ অসি কনদনা ওইনা য়ারোই। হৌজিক থোক্লিবা ইস্যু মচা অসিগী ৱারোইশিন পুরক্লগা মণিপুরগী য়েলহৌ ফুরুপ হায়বসিদি লমদমসিদা হৌরকফম লৈজবা অতোপ্পা লমদা চঙজফম লৈরোইদবা ফুরুপনি। মণিপুরদা য়েলহৌ ফুরুপ কনানো মশক মুন্না খঙদোকমিন্নদুনা য়েলহৌ ফুরুপ মুত্থৎনবা শীল্লক্লিবা অসিদা ঐখোয় অমত্তা ওইনা থেংনমিন্নিশি হায়খি।
থৌরম মপুগী ৱারোল পীরদুনা উরিখিনবম কুঞ্জোনা হায়খিবদা, কাঙলূপ অমা খোঙ্গুল মুৎখিবা হায়বসি তোঙান তোঙানবা এক্সতর্নেল ফোর্স কয়া পীরকপনা ওইগদৌরিবনি। মীতৈ হায়বা ফুরুপ অসি মায়কৈ কয়াদগী মুৎখিনবা হোৎনরক্লি। মসিদগী ঐখোয়না কন্নাবা হোৎনগে হায়রবদি ঐখোয় অমত্তা ওইনা পুনশিনবগা লোয়ননা ঐখোয়গী অমত্তা ঙাইরবা ঙাক্লৌ ওইগদৌরিবা সেদ্যুল ত্রাইব লিস্ততা মীতৈসু চনবসিনি। ঐখোয় অমত্তা ওইনা হোৎনমিন্নদুনা ঐখোয় এস তি লিস্ততা চন্নবা হোৎনরশি হায়না ফোঙদোকখি।
থৌরম অদুদা শরুক য়াখিবী ইমাগী মৈরাগী প্রেসিদেন্ত থোকচোম সুজাতানা ফোঙদোকখিবদা, হৌজিক অসিদা এনিমেতদ সস্পেন্সন থমদুনা প্রেসিদেন্ত রুল থম্লিবসি সেন্তর লৈঙাক্না লৌথোক্কদবা নত্তে, স্তেত অসিগী এম এল এশিংনা লৌথোক্কদবনি। মসি স্তেত অসিগী সবজেক্তনি। হৌজিক লৈরিবা এম এল এশিং অসি মখোয়গী ওইবা থা তলব চপ চানা চারি, মখোয়গী চহীগী ওইবা ফন্দ লেংদনা লাক্লি। মসি কুকিগীনি হায়বা এম এল এ ১০ অদুগীসু য়াওরিবনি।
মহাক্না মখা তারদুনা ঐখোয়না এজিতসেন অমা তৌবদা এজিতেসন অদুগী মরম অমদি পান্দম চপ চানা খঙলগা শরুক য়াশি। ইশানা ইশাবু দবল স্তেন্দর্দ ওইবা তাহনগুমশি। গ্বালতাবীগী থৌদোক অদু পাউমী চৎপা য়ারোই হায়বা নত্তে। মণিপুর থাবা ৱাহৈ অদু লৌথোকউ হায়বনি। মসি মণিপুরদা তাবা কাঙলূপ খুদিংমক নুংশিনদনবা সেন্তর লৈঙাক্না শীনবনি। মসি ঐখোয় য়েলহৌমী ফুরুপ খুদিংমক্না অমত্তা ওইনা পুন্দুনা থেংনমিন্নগদবনি হায়নসু ফোঙদোকখি।
সোর্স: পোক্নফম
0 কমেন্ট:
কমেন্ট তৌবিয়ু