মনা ফংগদবা অইবশিংগী মিং লাউথোক্লে
ইম্ফাল, মে ২৬ : চহী অসিগী ওইনা পীগদবা তোঙান তোঙানবা মনা ফংগদবশিংগী মিং ঙরাং লাউথোকখ্রে। ঙরাং ফমখিবা খোরিরোল শন্দোকলূপ ৱাংজিংগী একজিকুতিব কমিতিগী মীফম্না ২০২৫ ওইনা মনা ফংগদবা অইবশিংগী মিং লাউথোকখিবনি হায়না খোরিরোল শন্দোকলূপ-ৱাংজিং, থৌবালগী চেরোল অমনা ফোঙদোরক্লি।
মনা ফংগদবশিং অদুদি সুভাকুমার লাইফ তাইম লিতরেরি এৱার্দনা রঘুবির থিয়ামনা, নুপী অইবশিং দা পীবা প্রিয়াশখী নীংশিং সাহিত্য মনানা ময়াংলম্বম সুমতীগী পুন্সিগা লৈচিলগা দা, শৈরেং লাইরিক্তা পীবা তেকচম কামিনি কুশ লোইদাং নীংশিং খোরিরোল মনানা কির্তিচান্দ লুৱাংগী লাইরিক ৱাউথরবা মচু দা, শাম্বাদুরাম নন্দকিশোর হন্দোক্লোই মনানা লাইশ্রম মেমোগী পদ্মা তুরেলগী হিহোনবা হায়বসিগীদমক, ৱারীমচা অমদি নোবেলগী লাইরিক পীবা নরেংবম ইবোতোম্বী নীংশিং খোরিরোল মনানা ইএস সুন্দরগী লাইরিক ৭১গী ঙানু থঙ্গোং দা, ফম্বাক লীলা অমসুং শুমাং লীলাগী লাইরিক্তা পীবা ঙাংবম জয়েন্তকুমার নীংশিং খোরিরোল মনানা শগোলশেম মোহেন্দ্রগী পাঙ্খোকলা মপালবু ওইরবসু দা পীরগনি। মনা অসি জুন ৪দা লূফ অসিগী মপোক কুমওন নুমিৎতা খুৎশিন্নগদবনি হায়রি।
অমরোমদা নিংঙোল খুৎ মণিপুর ৱাংজিংনা চহী ২/২ খুদিংগী লান্থোকপা খোরিলোলগী মনা অমদি মিংথোল হন্দক চহী অসিগী ওইনা ফংগদবশিংগী মিংশিংসু লাউথোক্লে।
মনা ফংগদবশিং অদুদি মণিপুরগী খোরিলোলগী লাইরিকশিংদা লোনয়ান য়াওদনা ইবা লাইরিক অমদি পীগদবা য়ূম্নাম কৈন্যহল অই ঈহুল শকখঙ মনানা মোইরাংথেম রাজেন্দ্রগী লাইরিক পাউদম দা, খাইদেম প্রমোদিনী নিংশিং খোরিরোল মনানা য়ূম্নাম ৱাংলেনথোইবীদা অদুগা খোরিলোলগী লমদা থৱায় য়াওজবী অইবীশিংদা পীবা খোরি লৈমা হেন্থোইবী মিংথোলনা য়ূম্নাম ঈশৈহনবী অমসুং য়ূম্নাম দেবজানি অনীদা লান্থোক্লগনি হায়রি।
মনাশিং অমদি মিংথোল অসি লাক্লিবা জুলাই ২৫ দা পাঙথোক্কদৌরিবা নিংঙোল খূৎ মণিপুরগী ৭ লক শুবা মপোক কুমওন থৌরমদা পাঙথোক্কনি হায়রি।
সোর্স: পোক্নফম
0 কমেন্ট:
কমেন্ট তৌবিয়ু