১১ শুবা ওজা সনাজাওবা মেমোরিয়েল লেকচার পাঙথোকখ্রে
ইম্ফাল, দিসেম্বর ৩০ : ওজা প্রোফেসর নাওরম সনাজাওবাগী ৭৭ শুবা মপোক কুমওনগা মরী লৈননা ‘দেমোগ্রাফিক চেলেঞ্জেস ইন মণিপুর এন্দ রিমেদিজ’ হায়বসিদা ১১শুব ওজা সনাজাওবা মেমোরিয়েল লেকচার ঙাসি কাঞ্চিপুরদা লৈবা নেসনেল রিসার্ছ সেন্টারগী হোলদা পাঙথোকখ্রে।
ও এস এম তি (ওজা সনাজাওবা মেমোরিয়েল ত্রাস্ট) না শীন্দুনা পাঙথোকখিবা থৌরম অদুদা আসামগী বোরোলেন্দ য়ুনিভার্সিটিগী ভাইস চাঞ্চেল্লর এল লদু সিংহনা চীফ গেস্ত, ধনমঞ্জুরী য়ুনিভার্সিতিগী ভাইস চাঞ্চেল্লর প্রোফেসার এন রাজমোহননা প্রেসিদেন্ট অমসুং দি এম কলেজ ওব সাইন্সকী স্তেতিস্তিক্স দিপার্তমেন্তকী হান্নগী হেদ এ ব্রজকুমার শর্ম্মানা গেস্ত ওব ওনার ওইনা শরুক য়াখি।
ওজা সনাজাওবগী ফোটোদা হৈকৎ-লৈকৎ তমদুনা হৌদোকখিবা থৌরম অদুদা রিমসকী বাইওস্তেতিস্তিক্স দিপার্টমেন্তকী হেদ ওইরম্বা প্রোফেসার আর কে নরেন্দ্রনা স্পিকার ওইদুনা ‘দেমোগ্রাফিক চেলেঞ্জেস ইন মণিপুর এন্দ রিমেদিজ’ হায়বা হীরম অসিদা মেমোরিয়েল লেকচার পীখি।
থৌরম অদুগী শরুক অমা ওইনা মেমোরিয়েল লেকচার অদুদা স্পিকারনা পীরিবা লেকচার অদুগী ৱারোল য়াওনা বুকলেত (ডকুমেন্টসন) সু ফোঙখি। ওজা প্রোফেসার নাওরেম সনাজাওবগী ১৩ শুবা লৈখিদবগী কুমওনগা মরী লৈননা থা অসিগী ১৩ দা এন আর সি (নেসনেল রিসার্ছ সেন্টার) মণিপুর অমসুং এম এস এফ (মণিপুর স্টুদেন্টস ফেদারেসন) অনীনা পূন্না শীন্দুনা পাঙথোকখিবা দিবেটিং কম্পিটিসন্দা মকোক মথং তাখ্রবশিং দসু মনা খুৎশিন্নখি।
সোর্স: পোক্নোফম
0 কমেন্ট:
কমেন্ট তৌবিয়ু