বেস্ত ওব অম্মিক-২০২২ পাঙথোকখ্রে
ইম্ফাল, দিসেম্বর ৩১ : অম্মিক (অপূনবা মণিপুর মতম ঈশৈ কাঙলূপ) না স্তেত অসিগী খ্বাইদগী চাউনা মতম ঈশৈ কম্পিতিসন বেস্ত ওব অম্মিক-২০২২ মেগা ফাইনেল য়াইস্কুল জন্মস্থানদা লৈবা সিকো ক্লাব কম্যুনিটি ওহালদা পাঙথোকখ্রে। মণিপুরগী তোঙান-তোঙানবা দিস্ত্রিক্তশিংদগী স্ক্রিনিং তৌদুনা প্রিলিমিনারি রাউন্দশিং মথং-মথং পাঙথোক্লবা মতুংদা ফাইনেলিস্ত ১৫ না মেগা ফাইনেল কম্পিটিসন অদুদা শরুক য়াখি।
রাউন্দ অহুম থোক্না পাঙথোকপা মেগা ফাইনেল কম্পিটিসন অসিদা অম্মিকনা পীবা ময়েক্তা বেজ তৌবা লৈবাক নিংবা ঈশৈ, কম্পিতিতর মশানা থিজবা ময়েক্তা সুর পানবা ফোক বেজ ঈশৈ অমসুং মশানা পামজবা শৈহেক-শৈদদা য়ূম্ফম ওইবা ঈশৈ অমা শকহন্দুনা চাংদম্নহনখি।
মেগা ফিনালে মতম ঈশৈ কম্পিতিসন অসিদা মকোক মথং তাখ্রবশিং অদুদি বেস্ত ওব অম্মিক ২০২২ (সিঙ্গার) দা অহানবা পোজিসনদা খাগোকপম প্রিয়োবর্ত্ত সিংহ (ইম্ফাল ইস্ত), অনীশুবা পোজিসনশিংদা ময়েংবম অনুস্কা দেবী (ককচীং), অমসুং ইরেংবম মনোজ মৈতৈ (ইম্ফাল ওয়েস্ট) অমদি অহুমশুবা পোজিসন্দা থৌনাওজম সুরজিৎ সিংহ (ককচীং) নি।
বেস্ত ওব অম্মিক-২০২২ (লিরিসিস্ত) দা অহানবো পোজিসন্দা লাইশ্রম কল্পনা দেবী, নম্বোল; অনীশুবা পোজিসন্দা মোইরাংথেম রাজেশ সিংহ ককচীং অমসুং অহুমশুবা পোজিসন্দা এলাংবম মালিনী দেবী, হিয়াংলম অৱাং লৈকায়নি। কম্পিতিসন এন্দ কালচার দিপার্তমেন্তকী কমিসনার এমহামোমম নবচন্দ্র সিংহনা মথং শিৎনা চীফ মকোক মথং তাখ্রবশিংদা মনা য়েন্থোকখি। জয় সিংহ, অম্মিক্কী প্রেসিদেন্ত খাইদেম গেস্ত, প্রেসিদেন্ত অমসুং গেস্ত ওব ওনার থৌরম অদুদা মণিপুর গবর্ণমেন্তকী আর্ত থোইবা অমসুং অম্মিকী এদভাইজর দাঃ ওইনা শরুক য়াখি।
সোর্স: পোক্নফম
0 কমেন্ট:
কমেন্ট তৌবিয়ু