সিলেটতা চহীচা কয়া মমাংগী মৈতৈগী কাংফম অসি ৱার্ল্ড হেরিটেজ সাইট লাওথোকপীয়ু
আগরতলা, জুলাই ২৬ : চহী তরেৎ খুন্তাকপা মতমদা সিলেত্তা ইনিংথৌ গম্ভীর সিংহনা অহানবা ওইনা হৌদোকপীরম্বা কাং চিংবগী মফম অসি ৱার্ল্ড হেরিটেজ সাইট ওইনা লাওথোকপগা লোয়ননা মৈতৈগী কাংফম ওইনা লম অসি তুংকোইনা রেকর্ড ওইনা থম্বীনবগী মতাংদা সিলেট সিটি কর্পোরেশনগী এক্স মেয়র আরিফুল হক চৌধুরীগা মৈতৈশিং ৱারী শান্নখ্রে।
চৎখিবা জুলাই ১৮, সিলেটকী কোনুং লৈকাইদা লৈবা শ্রীশ্রী গৌরাঙ্গ মহাপ্রভু মন্দিরদা সিলেট দেবালয় রথাযাত্রা উদযাপন কমিটি প্রেসিডেন্ট এল প্রশান্ত কুমার সিংহনা ময়াই তাংবল লৌদুনা ফমখিবা মীফমদা সিলেটকী মৈতৈশিংনা এক্স মেয়র আরিফুল হক চৌধুরীগা পুন্না ফম্মিন্নদুনা কাংফমসি হেরিটেজ সাইট ওইনা থম্বগী মতাংদা নৈনখি।
মীফম অদুদা চীফ গেষ্ট ওইখিবা আরিফুল হক চৌধুরীনা চহীচা কয়া মমাংদগী কাংফম ওইনা শীজিন্নরক্লবা লম অসি রেকর্ড ওইনা থম্নবা হোৎনবদা মহাক্না অঙম্বা মতেং পাংগনি হায়না ফোঙদোকখি।
সোর্স: মরূপ
0 কমেন্ট:
কমেন্ট তৌবিয়ু