মণিপুরী সাহিত্য পরিষদকী লমজিং মখাদা গুৱাহাটিদা মীতৈ ময়েক তম্বগী প্রোগ্রাম
শিলচর, জুলাই ২৬ : খুন্নাই অসিদা অহোংবা কয়াগী মনুংদা ইশাগী ময়েক খঙজিনবা মীতৈ ময়েক তমশিনবা তঙাইফদবা অমনি। লৈঙাক্না শক খঙলবা মীতৈ ময়েক তম্বী তাকপীবগী থবক চত্থবগা লোয়ননা আসামদা তোঙান তোঙানবা লুপ কয়ানা ময়েক তাকপীবগী ৱার্কশোপ থৌরম লেপ্পা লৈতনা চত্থরি।
চৎখিবা জুলাই ২০, মণিপুরী সাহিত্য পরিষদ, আসাম গী লমজিং মখাদা গ্রেটর নারেঙ্গি মণিপুরী নুপী লুপ (মহিলা সমিতি) না শীন্দুনা মীতৈ ময়েক তম্বীবগী থৌরম অমা শ্রীশ্রী রাধাকৃষ্ণ মন্দির, মেগজিন মীতৈ কলোনী গুৱাহাটিদা পাঙথোকখ্রে। পরিষদকী গুৱাহাটিগী ওইবা মঙা শুবা মেগজিন সেন্টর অসি হৌদোকখি। মেগজিনগী প্রেসিডেন্ট গৌরস্নানা থৌরম মপু ওইরগা সাহিত্য পরিষদ কামরূপ ডিষ্ট্রিক্ট কমিটিগী প্রেসিডেন্ট কর্নেল গোকুলচন্দ্রনা চীফ গেষ্ট অমদি ডিসপুর ব্রাঞ্চকী প্রেসিডেন্ট এল বীরচন্দ্রনা গেষ্ট ওইনা ডায়াসতা লেঙশিনখি।
কামরূপ ডিষ্ট্রিক্টকী ভিপি হেলেনসানা, সেক্রেটারী টিএইচ গৌর শর্ম্মা, ৱা উপেন্দ্র, নুপী লুপকী এইচ বিনোদিনী নচিংবনা মীতৈ ময়েক তম্বগী তঙাইফদবা হীরম অসিদা ৱারোল ফোঙদোক্নখি। মথংদা রাজু মাইবমনা মীতৈ ময়েক তম্বী তাকপীবগী থৌরম অদু মপুং ফানা পাঙথোকখি হায়রি।
সোর্স: মরূপ
0 কমেন্ট:
কমেন্ট তৌবিয়ু