শক্নাইরবা দিরেক্তর অমসুং আর্তিস্ত হিজম শ্যামধনিদা এৱার্দ লান্থোকখ্রে
ইম্ফাল, এপ্রিল ১৯
থিএতরগী শক্নাইরবা দিরেক্তর অমসুং আর্তিস্ত হিজম শ্যামধনি সিংহদা ওইনাম বলদেব লাইফতাইম এচিবমেন্ত এৱার্দ-২০২৫ লান্থোক্তুনা ইকায়খুম্নবা ঊৎখ্রে।
ওইনাম বলদেব মেমোরিয়েল ত্রাস্ত, কৈশামথোং এলাংবম লৈকায়না শীন্দুনা ঙসি মণিপুর প্রেস ক্লবতা পাঙথোকখিবা লৈখিদ্রবা বলদেবগী ৮২ শুবা মপোক কুমও থৌরমগা লোয়ননা লাইফতাইম এচিবমেন্ত এৱার্দ অসি লান্থোকখিবনি।
থৌরম অদুদা মিনিস্ত্রি ওব কলচরগী এন ই জেদ সি সি অমসু ঙই জেদ সি সি মেম্বর ওইরিবা থিএতর দিরেক্তর ক্ষেত্রি যুগিন্দ্রো সিংহনা চীফ গেস্ত, ক্রিতিক্স ফোরম মণিপুরগী হান্নগী প্রেসিদেন্ত দাঃ এল গোজেন্দ্রো সিংহনা গেস্ত ওব ওনর অমসুং ত্রাস্তকী চেয়ারমেন ওইনাম নবকান্ত সিংহনা প্রেসিদেন্ত ওইখি।
মিণিপুরী থিয়েতরদা খোঙদাদুনা ফম্বাক মরুমদা লৈদুনা শীংথানিংঙাই ওইবা লাইতকী অচৌবা থৌদাং লৌরকখিবা ওইনাম বলদেববু ২০১২ দা থিয়েতর সেন্তর মণিপুরনা লেমজনিংঙাই ওইরবা মনা ললিত নীংশিং খুদোল পীদুনা ইকায়খুম্নখি। মহাক ২০১৮ গী আগস্ত ২৫, থাংজ নুমিত্তা তাইবংপান থাদোকখিবনি।
থৌরম অদুদা শরুক য়াখিবশিংনা ওইনাম বলদেবগী মফমদা লৈ কৎতুনা ইকায়খুম্নবা ঊৎখি।
সোর্স: পোক্নফম
0 কমেন্ট:
কমেন্ট তৌবিয়ু