• 113
• ২০শে এপ্রিল ২০২৫ ইং
• Share on:

লৈমরেম্বী ইন্দুপ্রভা

 

মহারানী ইন্দুপ্রভা অশানবা ‘মিৎয়েং থম্বা ঙম্বী, মপাম লমদমগী দমক ৱাখল লিশাং থাদবী থোইদোক হেন্দোক্না ‘চহী তরেৎ খুন্তাকপ’দা মপাম লমদমবু মীনাই য়োৎহ্লিং থদৎপদা অচৌবা থৌদাং য়াখিবী মীতৈ চনু নিংঙোল অমনি। মশক ফজবগী মথক্তা অৱাংবা ৱাখল্লোন লোইনবী ইন্দুপ্রভানা মণিপুর অমসুং কাছাড়ী ফুরূপ অনীগী নাৎ অমদি জগোই নচিংবগী অফবা মরী থম্ননবা মতম পুম্বদা হোৎনরম্মী। মতম অদুদা মণিপুরদগী ওজাশিং কৌদুনা হীড়িম্বা লৈবাক্তা জগোই রাস উৎতুনা মণিপুরী কালচারগী ফজবা মশক অদু উৎপা ঙমখি। মহাক্না কাছাড়ীশিংবু বৈষ্ণব ধর্ম লৌহন্নবা হোৎনবদা অচৌবা থৌদাং লৌরম্মী।

লৈমরেম্বী ইন্দুপ্রভা ফিদম্নিংঙাই ওইরবী ইরমদমগী অচৌবা থৌদাং য়ারম্বী নিঙোলশিংগী মরক্তা থোইদোক্না শীংথানিঙাই ওইরবী নিঙোল অমনি। মহারাজ মধুচন্দ্র অমসুং মহাক্কী অহুমশুবী তাল্লোই লৈমরেম্বী কোনসম চনু অনীগী মজাইবেম্মা তম্ফা ৱাংঙমলোন ইন্দুপ্রভা, ইং ১৭৮৮ দা তাইবঙ খোঙদারকখি।
শক্তা-চুদা চঙখোল্লবী মজাইবেম্মাবু মপা ইবুংঙোনা খুনজাও লৈচাওনা লৈবাক মরা তপ্না পান্ননবা য়ুমথংনবা কাছাড়গী নিংথৌ হিরম্বেশ্বর কৃষ্ণচন্দ্র নারায়ণগা হায়না শীংনদুনা ইং ১৮০২ দা চাওনা লুহোংদুনা থাজবিরকখি। মহাক শকাব্দ ১৭২৪, শজিবুগী ১৭ নি পানবা (এপ্রিল তাং ২০) দা কাছাড় লমদম অসিদা খোঙদাখি অমসুং লৈমরেম্বী ওইখি। লৈমরেম্বী অসিগী শাওং-শাবান, শক্তা চুদা ফজবা অদু উরগা নিংথৌ অমদি কোনুংগী পন্ডিতশিংনা মপুং ফারবা থাজগুম ফজৈ হায়দুনা মহাকপু ‘ইন্দুপ্রভা’ হায়না মিংথথোনখি। ইন্দুপ্রভাগী কুচু-কুমেন লময়ৌবী, নুপী ওইবীগী শকওং-শাদা ৱাৎতনা ফজববু উরুরগা মতম অদুগী মীয়াম্না হায়নখিবা লৈ, ‘অয়ুক্কী ঙাংরান্নবা সনা মচু মানবা নুমিৎ অমসুঙ মপুং ফারবা পূর্নিমা থাজবু য়েংনিংলবদি হীরিম্বা লৈবাক্কী লৈমরেম্বী ইন্দুপ্রভাগী মায়থোঙবু য়েংজৌ। ’ হায়না শীংথানরম্মী। মপুরেরাইবা নিংথৌ কৃষ্ণচন্দ্রনা নোঙ্গাখ্রবদা মনাও ইবুংঙো গোবিন্দচন্দ্রনা নিংথৌ খুভম শিল্লবা মতুং মমা শক্লবী মতৈমা ইন্দুপ্রভাবু শরৌ শিন্দুনা নমদুনা লৌরগা হীড়িম্বা লৈবাক্কী মহারানী ফম্বাক্তা কাহনখি। অদুগা মহাক্কী অপোকপবু য়াইবী থৱায় লৌখিবা মতোনশিংবু থম্মোয়গী থরুম ফনা লৈদুনসু মদুনা লন্নাইনি, ফম্বাল লাননি খন্দোক্তুনা মরৈবাক কনবনা মরুনি খন্দুনা পূম্নমকপু কোনশিন্দুনা মরৈবাকপু ঙাকখিবী লৈমরেম্বীনি।

মহারানী ইন্দুপ্রভা অশানবা ‘মিৎয়েং থম্বা ঙম্বী, মপাম লমদমগী দমক ৱাখল লিশাং থাদবী থোইদোক হেন্দোক্না ‘চহী তরেৎ খুন্তাকপ’দা মপাম লমদমবু মীনাই য়োৎহ্লিং থদৎপদা অচৌবা থৌদাং য়াখিবী মীতৈ চনু নিংঙোল অমনি। মশক ফজবগী মথক্তা অৱাংবা ৱাখল্লোন লোইনবী ইন্দুপ্রভানা মণিপুর অমসুং কাছাড়ী ফুরূপ অনীগী নাৎ অমদি জগোই নচিংবগী অফবা মরী থম্ননবা মতম পুম্বদা হোৎনরম্মী। মতম অদুদা মণিপুরদগী ওজাশিং কৌদুনা হীড়িম্বা লৈবাক্তা জগোই রাস উৎতুনা মণিপুরী কালচারগী ফজবা মশক অদু উৎপা ঙমখি। মহাক্না কাছাড়ীশিংবু বৈষ্ণব ধর্ম লৌহন্নবা হোৎনবদা অচৌবা থৌদাং লৌরম্মী। লোয়ননা মতম অদুগী কাছাড়ীশিংনা চৎনরম্বা লাইদা শা-ঙা শরেন চন্দুনা কৎপগী চৎনবী অদুগী মায়োক্তা লৈদুনা অচৌবা ঈহৌ শাগৎখি।

‘চহী তরেৎ খুন্তাকপা’ (ইং ১৮১৯-১৮২৬) মতমদা লাঞ্জেন্নদুনা লৈরিবা মখুরা-মতোন গম্ভীর সিংহ নচিংবা নিংথৌ মচাশিং অমদি মীতৈশিংদা অচৌবা মতেং কয়া পীদুনা তেংবাংখি। পোক্নফম মপাম লমদম কনবদা অৱাগী মথক্তা লান্দানবা মণিপুর লেভী শেমগৎপদা শেল থুমগী অমসুং অতৈ মতেং কয়ামসু মহাক্না পাংবিখি।

কাছাড়গী নিংথৌ গোবিন্দচন্দ্রনা লৈখিদ্রবা মতুং বৃটিশ সরকারনা ইন্দুপ্রভাবু কাছাড় মহারানী ওইনা শক খঙখি অমসুং পেনশন ওইনা থাগী লুপা ১৯৬গা আনা ৮, পাই ৭ পোলিটিকেল পেনশন ওইনা মহাক্না লৈখিদবা কুম ইং ১৮৫৬ ফাওবা পীরম্মী।

অসিগুম্লবী মীতৈ ফুরূপ অসিগী ফিদম্নিংঙাই ওইরবী লৈমরেম্বীগী মীতম অমা লৈমরেম্বী ইন্দুপ্রভা স্টেচু ইন্সটোল্লেশন কমিটি, বীনাকান্দি কাছাড়না মরু ওইনা থৌদাং লৌদুনা সাউথ বরাক্কী কমপ্লেক্সতা পাউথোকপা থৌরম অমদা খিনখ্রে। পুকচেল চাওবা খুন্নাইাচাশিংনা অঙম অঙম্বা মতেং পাংদুনা মিতম অসি খিনবা ঙম্বনি হায়রি।

[লৈমরেম্বী ইন্দুপ্রভা স্তেচু ইন্সটোল্লেশন কমিটি (কাছাড়, আসাম)না ফোঙবা চেরোল/ৱারোলদগী লৌখৎচবনি।]

 কোর্টেসি - মরূপ