লৈখিদ্রবা অইবা কয়ামুদ্দিনগী নীংশিং থৌরম পাঙথোকখ্রে
ইম্ফাল, জুলাই ১৩ : এম এম দব্লিউ ও (মণিপুর মৈতৈ-পাঙল ওয়েলফেয়ার ওর্গানাইজেসন) না শীন্দুনা লৈখিদ্রবা অইবা কয়ামুদ্দিন পুখ্রিময়ূমগী ৪ শুবা নীংশিং থৌরম ঙসি মণিপুর প্রেস ক্লবগী লোক্তাক হোলদা পাঙথোকখ্রে।
লৈবাক নীংবদা য়ূম্ফম ওৈইবা শৈরেং থীবা চাংদম্নবা অমসুং মণিপুরী মৈতৈ পাঙল (মুস্লিম) গী অইবশিং ইকায়খুম্নবা ঊৎপনা লৈখিদ্রবা অইবা অসিগী নীংশিং থৌরমগী মপূং ওইবা থৌরম ওইখি।
চীফ গেস্ত ওইনা শরুক য়াখিবা সাহিত্য একাদেমি এৱার্দি বি এম মাইস্নাম্বনা লৈখিদ্রবা অইবা কয়ামুদ্দিন পুখ্রিময়ূমগী পুন্সি অমসুং থবক্কী মতাঙদা ৱা ঙাঙখি।
থৌরম অদুবু প্রিসাইদা তৌখিবা এম এম দব্লিউ ও হেদ ক্বার্তরগী প্রেসিদেন্ত এম এ চেসাবনা হায়, লমদম অসিগী হৌগৎলক্লিবা অইবা নহাশিংবু পূক্নিং থৌগৎপগা লোয়ননা মতুং তাবদসু হেন্না ফবা লাইরিক কয়া ইরক্তুনা লমদম অসিদা খুন্দামিন্নরিবা কাঙলুপ ফুরুপশিংগী মরক্তা নুংশি-চান্নবা, ঈং-তপ্পা, চাওখৎপা লমদম অমা ওইনবগী পান্দমদা অমদি কাঙলুপ ফুরুপশিংগী মরক্তা নুংশি চান্ননা লৈমিন্ননবা হোৎনবদা অইবশিংনা অচৌবা থৌদাং অমা লৌরিবা অসিুব শকখংবা ঊৎপা ওইনা ঙসিগী থৌরম অসি পাঙথোকপনি।
স্তেত অসিগী ওইরক্লিবা তংদু-লৈতাদবা ফীবম অসিদা লমদম অসি মপী-মপা পান্দবগা পাঙ্খ ওইরে। ফীবম অসিদা সেন্তর অমদি স্তেত গবর্নমেন্তনা লাঞ্জেন্নরক্তুনা লৈরিবশিংবু মশাগী য়ূমদা হঞ্জিন্নবা হোৎনবীয়ু। স্তেত অসি তংদু-লৈতাবা লমদম অমা ওইহন্না হোৎনবদা হেন্না খুমাঙ চাঙশিন্নবা হোৎনবীয়ু অমদি লমদম অসিদা ঈরাং অমুক হন্না থোক্তনবা তুং কোইবা সোলুসন পুথোকপীয়ূ হায়না মহাক্না ফোঙদোকখি।
থৌরম অদুদা রাইতর্স য়ুনিয়নগী ফোর্মর প্রেসিদেন্ত অমদি শক্নাইরবা কবি অজরুল কবির, সাহিত্য একাদেমি এৱার্দি (ত্রান্সলেসন) এম এম আহমদ, মণিপুরী সাহিত্য পরিষদ লিতরেরি এৱার্দ ২০২৫ অমদি আকাশবানী এৱার্দি ২০০০ দাঃ রহৈজুদ্দিন শৈখ, ফোক্সকী প্রেসিদেন্ত বি এম য়াইমা, হোর্তিকলচরগী রিতয়ার্দ এ ও ইস্লাউদ্দিন অমসুং য়ু এস এম দি সি কৈরাও এ সিগী প্রেসিদেন্ত অমদি এম এম দব্লিউ ও হেদ ক্বার্তরগী চীফ এদভাইজর হাশিমুদ্দিন মোইনামময়ুমনা গেস্ত ওব ওনর ওইনা শরুক য়াখি।
সোর্স: পোক্নফম
0 কমেন্ট:
কমেন্ট তৌবিয়ু