মীরাবাই চনুনা ‘স্পোর্টষ্টার ওফ দি ইয়ার’ এৱার্দ ফংলে
ইম্ফাল, মার্চ ০১ : স্পোর্টষ্টার এসেস ২০২৩ গী নুপীগী কেটাগোরিদা ইন্দিয়াগী ওয়েঠলিফ্টার মণিপুর মচা মীরাবাই চনুনা ‘স্পোর্টস্টার ওফ দি ইয়ার’ মিংথোল ফংলে। মিংথোল অসি ফংলকপদা হরাওরবা মীরাবাই চনুনা এৱার্দ অসি মহাক্কী ইমুং-মনুং, মহাকপু তাকপীরকপা কোচ অমদি ফেডারেশনদা দেদিকেট তৌরে হায়না টুইটারগী খূত্থাংদা ফোঙদোরকখ্রে।
মীরাবাই চনুনা স্পোর্টষ্টার ওফ দি ইয়ার ফংলকপগা ইহান হান্না মঙোন্দা থাগৎ ৱাহৈ ফোঙদোরকখিবসু মণিপুরগী চীফ মিনিষ্টার এন বিরেননা ওইখি। লোয়ননা সীএমনা মীরাবাই চনুবু হন্না-হন্না থাগৎখি।
হৌখিবা চহীগী সেপ্টেম্বর ৩০ দা গুজরাটতা পাঙথোকখিবা ৩৬ শুবা নেসনেল গেমস-২০২২দা ইন্দিয়াগী শক্নাইরবী মীরাবাই চনুনা নুপীগী কেজি ৪৯ গী ওয়েঠলিফ্টিং ইভেন্ট সঞ্জিতা চনুবু মায়থীবা পীদুনা গোল্ড মেদেল লৌখিবনি।
সোর্স: হুইয়েন লানপাউ।
0 কমেন্ট:
কমেন্ট তৌবিয়ু