মাধবী, অশা সিংহদা লোর্দ গৌতম বুধ ইন্টরনেসনেল পিছ এৱার্দ পীরক্লে
ইম্ফাল, মে ৩০ : নেপালগী ইন্দিগ্রেটেদ গ্লোবল য়ুনিভার্সিটি অমদি গ্লোবল চেম্বর ওফ কম্মার্স ইন্দষ্ট্রি এন্দ এগ্রিকলচরগী ‘লোর্দ গৌতম বুধ ইন্টরনেসনেল পিছ এৱার্দ ২০২৪’ লান্থোকপদা ত্রিপুরদগী শক্নাইরবী সোসল এক্টিভিষ্ট ক্ষেত্রিময়ুম মাধবী অমদি কলচরেল এক্টিভিষ্ট লৈশাংথেম অশা সিংহাদা এৱার্দ অসি পীদুনা ইকায়খুম্নবা উৎখ্রে।
তোঙান তোঙানবা লমদা খুন্নাইগী অমদি মীওইবা খুন্নাইগী থবক তৌরিবশিংদা ইকায়খুম্নবশিং উৎতুনা এৱার্দ অসি পীবনি। থা অসিগী ২৯ দা নেপালগী কাঠমন্দুদা পাঙথোকখিবা অখন্নবা থৌরম অমদা নেপাল কোংগ্রেসকী মেম্বর ওফ পার্লিয়ামেন্ট আর্জুন মেরা সিংহনা শক্নাইরবী সোসল এক্টিভিষ্ট মাধবী অমদি অশা সিংহাদা লোর্দ গৌতম বুধ ইন্টারনেসনেল পিছ এৱার্দ ২০২৪ লান্থোকখি।
থৌরম অদুদা ইন্টিগ্রেটেদ গ্লোবল য়ুনিভার্সিটিনা থোইদোক হেন্দোক্না ক্ষেত্রিময়ূম মাধবীদা “ওনররি ডোক্টরেট” উপাধি পীদুনা ইকায়খুম্নখি। মখা তানা ত্রিপুরাগী ডা. সোনাচরন দেব বর্ম অমসুং বিমোল দেব বর্মদসু ইন্টরনেসনেল পিছ এৱার্দ পীদুনা ইকায়খুম্নখি।
মীওইবা ঐখোয়না হিংলিঙৈ মতমদা মীওইবা খুন্নাইগী চাওখৎনবা থবক তৌরম্বনা তুংলমচৎতা লাক্কদৌরিবা মীরোলশিং য়াইফ-নুংঙাইবা পীগদৌরিবনি হায়রি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু