আপডেট:
image

ইমাগী মৈরা অমসুং দেল্লী মীতৈ কোওর্দিনেটিং কম্মিটিগী উইমেন উইংনা প্রাইম মিনিষ্টারদা মেমোরেন্দম পীশিনখ্রে

ইম্ফাল, মে ৩০ : দেল্লীদা বেজ তৌবা দেল্লী মীতৈ কোওর্দিনেটিং কম্মিটি (দিএমসীসী) না মণিপুরগী নুপীশিংগী মাঙজিল থাবা লূপ অমা ওইরিবা ইমাগী মৈরাগা খূৎশম্নদুনা মফম অদুদা পাউগী মীফম অমা পাঙথোকখ্রবা মতুংদা ঙসি ইমাগী মৈরানা দি এম সী সী গী উইমেন্স কম্মিটিগা খূৎশম্নদুনা প্রাইম মিনিষ্টর নরেন্দ্র মোদিদা মেমোরেন্দম অমা পীশিন্দুনা চহী অমা হেঞ্জিল্লক্লবা মণিপুরগী লান অসি খুদক্তা লেপহন্দুনা ষ্টেট অসিগী মীয়াম্বু মহৌশাগী তংদু লৈতাবা পূন্সিদা লৈবা ফংহনবীনবা তকশিনখ্রে।

মণিপুরগী চীফ মিনিষ্টর য়াওনা হোম মিনিষ্টর, দিফেন্স মিনিষ্টর অমসুং মণিপুরগী চীফ মিনিষ্টর য়াওনা হোম মিনিষ্টর, দিফেন্স মিনিষ্টর অমসুং মণিপুরগী গভর্ণরদসু কোপি পীখিবা মেমোরেন্দম অদুনা মণিপুরদা থোক্লিবা থোকহন্নীংদবা থৌদোকশিং অসি লাকশিন্দুনা মহৌশাগী ঈং-তপ্পা ফীভম হঞ্জিলহল্লক্তুনা নুংশি চান্ননা লৈমিন্ননবা খুদক্তা থবক পায়খৎপীয়ু হায়জখি।

মণিপুরদা সিভিল ৱার অমগী ফীভমদা ওইরক্লবনি হায়বসি প্রাইম মিনিষ্টর ওফিসনসু খঙলবনি হায়রদুনা মেমোরেন্দম অসিনা ফীভম অসিগী মতাংদা য়ুনিয়ন লৈঙাক্না লৌখৎফম থোকপা থবকশিং লৌখৎত্রিবা করিগীনো হায়বা ৱাহংসু হংখি।

লৈঙাক্না মায়কৈদগী থৌশা ৱাশাদবনি অমসুং মণিপুরদা দিপ্লোই তৌরিবা সেন্ত্রেল ফোর্সশিংনা মীতৈ ফূরুপকী মীওইশিংবু নীংথিজনা ঙাকপী শেনবীবা ঙমদ্রে হায়বগী চার্জসু তৌখি। মরম অসিদগী য়েলহৌমী ফূরুপ অসি মশানা মশাবু ঙাকথোকচনবগী থৌদাং লৌরক্লে হায়রদুনা ষ্টেট লৈঙাক্কী মায়কৈদগীদি মপূং ফানা লৈঙাক্লোনগী থবক্তা ফেল ওইরে হায়নসু পনখি।

মেমোরেন্দম অসিদা ঈরাং অসি হৌরকপদগী থোকখিবা থৌদোকশিংগী মরক্তগী খরগী মতাংদসু মরীক চুম্না পল্লদুনা মে ২৮, ২০২৩ খক্তদা তোঙান তোঙানবা মীতৈগী খুল ১৩ দা এটিক চত্থরক্তুনা মীওই কয়াগী পূন্সি মাঙহনখি অমসুং কয়া অমনা অশোক অপন নংহনখি হায়নসু ফোঙদোকখি।

থৌদোক অসি মকোক থোংবা মিলিটরি ওফিসলশিং লৈনা লৈনা থোকখিবনি হায়রি। মেমোরেন্দম অসিদা কুকি মিলিটেন্টশিংগা তৌনরক্লিবা সস্পেন্সন ওফ ওপরেসন (সূ) গী মতাংদসু পল্লদুনা য়ানবা অসিনা মিলিটেন্টশিংদা খূৎশু খূৎলায় পীবা ঙমহল্লে হায়নসু মরাল শীরদুনা মিলিটেন্টশিংনা এটেক চত্থবদসু মতেং পাংলে হায়খি।

তেংনৌপল দিষ্ট্রিক্টকী বোর্দন টাউন অমা ওইরিবা মোরেদা কুমজা ২০২৩ গী দিসেম্বর ৩১ দগী হৌরদুনা চৎলিবা চহী অসিগী জানুয়ারী ৮ ফাওবদা টাউন অসিদা দিপ্লোই তৌবা ষ্টেট ফোর্সশিংগী মথক্তা লেপ্তনা অকনবা এটেকশিং চত্থখি হায়বা ৱাফমসু ফোঙদোকখি।

মরমশিং অসিনা মণিপুরদা লৈরিবা ফূরুপ পূম্নমকপু অচুম্বা ফংহন্নবা অমসুং মখোয়বু মীচং মীখাই নাইদনা ঙাক শেনবীনবা অকনবা থবক লৌখৎপীয়ু। মীতৈশিং অমসুং ষ্টেট ফোর্স য়াওনা খূৎলায় পায়বশিংনা বি এস এফনচিংবদা চত্থখিবা এটেকশিংগী থৌদোকশিং নেসনেল ইনভেষ্টিগেসনেএজেন্সীগী খূত্থাংদা ইনভোষ্টিগেসন চত্থহনবীয়ু।

লোয়ননা মণিপুরদা নেসনেল রেজিষ্টার ওফ সিটিজেন (এন আর সী) চৎনহনবগা লোয়ননা মণিপুরগী দেমোগ্রাফিগী মতাংদসু পূক্নিং চঙবীয়ু হায়খি। ঙসি পীশিনখিবা মেমোরেন্দম অদুদা পনখিবা খ্বাইদগী মরু ওইবা ৱাফম অমনা মণিপুরগী উমংশিং ঙাক শেনবগা লোয়ননা চীংশিংদা থারিবা পোপি পাম্বীশিং মাঙহনবীয়ু হায়নসু হায়জখি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: