আপডেট:
image

মাইক্রোসফট কৈদৌঙৈদা ওস্ট্রেলিয়া থাদোক্লোই – মাইক্রোসফটকী প্রেসিডেন্ট

মাইক্রোসফটকী প্রেসিডেন্ট ব্র্যাড স্মিথনা ৱারোল অমদা হায়রি, ‘অতৈ টেকনোলোজি কোম্পানি কয়ানা ওস্ট্রেলিয়া থাদোক্লবসু, মাইক্রোসফট কৈদৌঙৈদা অদুগুম্বা ৱা হায়রোই। ঐখোয় দেশ অসিগী ন্যাশন্যাল সিকিউরিটি অমসুং ইকোনোমিবু খুমাং চতহনবা হায়বসে ঐখোয়গী থৌদাংনি।’

মিরর টেক ডেস্কঃ ওস্ট্রেলিয়া সরকারগা মরৈ য়েৎনরকপদগী ব্যবসা থাদোক্তুনা চতলনি হায়না হৌখিবা থাদা সার্চ ইঞ্জিন গুগলনা হায়খি। অসোমদা মখোয়বু হৌবা ওইনা মাইক্রোসফটনা ঙরাং হায়রক্লি, মখোয় কৈদৌঙৈদসু ওস্ট্রেলিয়া থাদোকনা চৎলোয় হায়না। মাইক্রোসফটকী প্রেসিডেন্ট ব্র্যাড স্মিথনা ৱারোল অমদা হায়রি, ‘অতৈ টেকনোলোজি কোম্পানি কয়ানা ওস্ট্রেলিয়া থাদোক্লবসু, মাইক্রোসফট কৈদৌঙৈদা অদুগুম্বা ৱা হায়রোই। ঐখোয় দেশ অসিগী ন্যাশন্যাল সিকিউরিটি অমসুং ইকোনোমিবু খুমাং চতহনবা হায়বসে ঐখোয়গী থৌদাংনি।’

সিএনবিসিগী পাউ অমদা হায়রি, ওস্ট্রেলিয়া সরকারনা প্রস্তাব তৌবা আইন অমগী মায়োক্তা ৱাফম অদো গুগলনা থমখিবনি। আইন অদুগী খসড়াদা হায়রি, অচৌবা টেক কোম্পানীশিং মখোয়গী প্ল্যাটফর্মদা পাউ ফোঙবা তারদি ফোংলিবা পাবলিশারশিংনা মদুগী মমল পিবা তায়।

ওস্ট্রেলিয়া অমসুং গুগলগী মনুংদা মরৈ য়েৎনরগা খ্বোয়াইদগী কান্নগদৌরিসে মাইক্রোসফটনি। ডেটা এনালিটিক্স কোম্পানি স্ট্যাটকাউন্টারগী ৱারোল মতুং ইন্না, ওস্ট্রেলিয়াদা সার্চ ইঞ্জিন সিজিন্নবশিংগী মনুংদা ৯৫% না গুগল শিজিন্নরি। মাইক্রোসফটকী বিং সিজিন্নবনা ৩.৬% তনি। গুগল থিংখ্রগদি সিজিন্নরিবা কাংগুশিং মাইক্রোসফটকী সার্ভিসরোমদা মাই ওনশিল্লকপা য়াই।

ব্র্যাড স্মিথনা হায়রি, মহাক অমসুং চীফ একজিকিউটিভ সত্য নাদেলা ওস্ট্রেলিয়াগী প্রধানমন্ত্রী স্কট মরিসনগা হৌখিবা চয়োলদা ওয়ারী শান্নখ্রে হায়না। অতৈসু হায়রি, পাবলিশারশিংনা পাউ ফোঙবগী মমল পীবা তাই হায়না প্রস্তাব তৌরক্লিবা আইন মখৌয়না য়াই। মরমদি, মদু দেশ অসিগী ‘ডেমোক্রেসিগীদমক মথৌ তাই।’

প্রস্তাব তৌরক্লিবা আইন অদুদা হায়রি, সার্চ রেজাল্ট অমসুং নিউজফিডতা পাউ মতেক অমা উৎপগিদমক পাবলিশারপুম্নকনা মদুগী মমল শিংবা তাই। মমলগী লুপাগী চাং কয়া ওইনি হায়বদো মাইকৈ অনিগী চুক্তি মখাদা ওইগদবনি। অদুগা চুক্তি তৌনবা ঙমদ্রগনা সরকারনা পীবা মিডিয়াম্যাননা লেপকনি। প্রস্তাব তৌরক্লিবা আইন অসিনা গুগল অমসুং ফেসবুকতা খ্বোয়াদগী হেন্না শোকপা হায়বদো ওইগনি। অদুনা আইনসিগী মায়োক্তা খ্বোয়াইদগী কন্না লেপ্লিবসে গুগলনি।

গুগল ওস্ট্রেলিয়া অমসুং নিউজিল্যান্ডকি ম্যানেজিং ডাইরেক্তর মেল সিলভানা হৌখিবা থাদা ওস্ট্রেলিয়াগী সিনেট কমিটিদা হায়খি, ‘ইকোনোমি অমসুং শন্দোকপগা মরি লৈনবা রিস্ক লৈবনা, মসিনা আইন ওইখ্রবদি অস্ট্রেলিয়াদা গুগল সার্চ থিংজনবা নত্তনা ঐখোয়গি লম্বি অতৈ লৈররোয়।’

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু