মরূপকী ৫৬ শুবা মপোক নুমিৎ পাঙথোকখ্রে
আগরতলা, মে ১৭ : ভারতকী অৱাং নোংপোক্তা খ্বাইদগী লিরবা হৌজিকসু ত্রিপুরাদগী ফোঙলিবা মণিপুরী চয়োলগী পাউচে ‘মরূপ’ কী চহী ৫৬ শুবা মপোক কুমওন থৌরম চৎখিবা মে ৮, পাউচে অসিগী আগরতলা শঙ্গায় মঠচৌমুহনীদা পাঙথোকখ্রে।
থৌরম অদু পাউচে গী ইডিটর আরকে কল্যাণজিৎনা থৌরম মপু ওইরগা মণিপুরী সাহিত্য পরিষদ ত্রিপুরাগী প্রেসিডেন্ট এল বীরমঙ্গলনা চীফ গেষ্ট অদুগা সোসেল এক্টিভিস্ট এল কুমার অমসুং মণিপুরী লিটরেরী এ্যন্ড কলচরেল ফোরামগী সেক্রেটারী খোইস্নাম মঙ্গলনা গেষ্ট অব অনার ওইখি। পাউচে অসিগী জোয়েন্ট ইডিটর আরকে তরুনজিৎনা ওক্না-ৱারোল পীখি।
কবিগুরু রবীন্দ্রনাথকী চহী ১৬৩ শুবা অমসুং মরূপকী ৫৬শুবা মপোক কুমওনগা মরী লৈননা থৌরমদা মরূপ অমসুং কবিবু শৈথারগা কবি এইচ গন্ধেশ্বরী, এস নমিতা, এস উমা, এল মীনা, কেএইচ সৈবা, সিজা মলিনা, এন মধুমিতা, কেএসএইচ মাধবী, এস খেলামোহন, টি যোগেন্দ্র, এন অনন্ত অমসুং কেএইচ মঙ্গলনা শৈরেং পাথোকখি।
পনবা য়াবদি কবি রবীন্দ্রনাথ ঠাকুরগী চহী ১০৮ শুবা মপোক নুমিৎ ইং ১৯৬৯ দা মরূপ পাউচে পোকখি। চহী খুদিং মরূপ পাউচেগী মপোক কুমওন লোয়ননা ‘রবীন্দ্র জয়ন্তী’ থৌরম পাঙথোক্তুনা লাক্লি।
সোর্স: মরূপ
0 কমেন্ট:
কমেন্ট তৌবিয়ু