মণিপুরী সাহিত্য পরিষদ আসামগী চহীগী মীফমলেন কৈদৌঙৈ পাঙথোক্কনি
মরূপ শিলচর, মে ১৭ : লোকসভা মীখলনা য়ৈথোক্তুনা লৈরিবা মণিপুরী সাহিত্য পরিষদ, আসামগী চহীগী মীফমলেন কৈদৌঙৈ পাঙথোক্কনি হায়বসি হৌজিক ফাওবা খঙবা ঙমদ্রি। নোটিশসু থোকত্রি। তোঙান তোঙান্না লৈবা জিলা কমিটি ১১ অমসুং ব্রাঞ্চ কমিটি ৪২ গী থৌশিল্লুপনা মীখল তৌদুনা পরিষদকী অনৌবা প্রেসিদেন্ট খনবগী মতুংদা চহীগী মীফম পাঙথোক্কদৌরিবনি। জিলা অমসু ব্রাঞ্চ কমিটি অয়অম্বদা অনৌবা কমিটি শেমখ্রে। মীফমলেনগী রিশেপশন কমিটিসু শেমখ্রে। প্রেসিদেন্ট ফমগী মীখলগীদমক কেন্ডিডেটশিং নোমিনেশন ফাওবা সাবমীট তৌখ্রবনি।
অদুবা পন্থুংলমদায়দা হিরাকপগুম্না মতম খজিক্তং ঙাইরিঙৈদা মীফমলেনগী খোঙচৎ অসি লেপখিবনি। অতৈ কমিটি কয়ানা মতমচানা মীফমলেন পাঙথোকপা ঙম্লগা মণিপুরী সাহিত্য পরিষদনা করিগী শোত্থহৌরিবনো হায়বা ৱাহং কয়া অমা লাক্নবা হৌরে। সাহিত্য পরিষদনা অসুম্না শোত্থহৌবগী মতাংদা শক্নাইরবা মীওই কয়ানা মতামত পীনবসু য়াওরে।
পনবা য়াবদি ইং ১৯৯০ দগী ২০২৪ ফাওবগী মতম অসিদা সাহিত্য পরিষদ অসিগী কমিটি ১৫ ওইফম থোক্লবসু ১১ খক্তং ওইখি। মরমদি মতমচানা মীফমলেন পাঙথোক্তবগী কমিটি শেম্বা ঙমখিদে অমসুং প্রেসিডেন্ট ওইনিংবা মীওই কয়াসু ওইবা ঙমখিদে। অসিগুম্বা অশোয়বা কয়া অমা ঙসিসু অদুম লৈরি হায়রি। অদুনবু মুক্নবসু থোক্লিবনি হায়না মোত পীনবসু য়াওনরি।
সোর্স: মরূপ
0 কমেন্ট:
কমেন্ট তৌবিয়ু