• 716
• ৯ই জুন ২০২৩ ইং
• Share on:

মণিপুরদা কাঙলুপকী ঈরাং মতাংদা ত্রিপুরাদগী ডিএমগী খুত্থাংদা পিএমদা মেমোরেন্ডাম পীগদৌরি

আগরতলা,  জুন ১০ : মণিপুরদা তমথিরবা কাঙলুপকী থৌদোক ঈলাংগী মতাংদা ত্রিপুরাদা লুপ খরনা পুল্লগা নোংচুপ ডিএমগী খুত্থাংদা ভারতগী প্রধানমন্ত্রীদা মেমোরেন্ডাম পীগদৌরি। কাঙলুপকী ঈরাংনা  মরম ওইদুনা মফম কয়া খুঙ্গং কয়াদগী মৈতৈ খুঞ্জাশিংনা অঙম অঙম্বা শেলগী তেংবাং থাবা লেপত্রি লোয়ননা মণিপুরদা রিলিফ ক্যাম্পতা চানবা থক্নবা পোৎলুম কয়াসু থাখ্রে।

পনবা য়াবদি হৌখিবা মে ৩দা থোকখিবা লাইবক থিবা থৌদোক অদুদগী মথং মথং ঈরাং শন্দোরক্তুনা তংদু লৈতাদবা মণিপুর শান্তি হঞ্জিল্লক্নবা ত্রিপুরাদসু তোঙান তোঙানবা মফম কয়াদা মৈরা পায়দুনা খোইরু থাউমৈ থান্দুনা শান্তিগী খোঙচৎ থোকখি অমসুং শেলগী মতেংসু থাখি।

লোয়ননা ত্রিপুরাগী বেঙ্গলী, চিংমী অমসুং খুঙ্গং কয়াদগী মৈতৈশিংনা মণিপুরদা অৱাবা তারবা মীওইশিংগীদমক অঙম অঙম্বা চানবা-থক্নবা পোৎলুম কয়াসু থাখিবা য়াওখ্রে। ঙসি থা অমা হেনখ্রে হিংসাগী ঈরাংনা চাকথেক্লবা মণিপুরদা কাঙলূপকী ঈরাং অমসুং কুকি লালহৌবগী নোংমৈনা মরাল লৈজদ্রবা লিশিং লিশিং মীওইনা অৱাবা থেংনরি।

কেন্দ্রগী হোম মিনিষ্টার অমিত শাহগী নুমিৎ হুম্নিগী মণিপুর খোঙচৎ মতুংদসু ঈরাং নেমথদ্রি। থোইনদুম ঈরাং কনখৎলক্লি। অঙকপদি ফোং ফোং শারিবা মণিপুরগী ঈরাংগী মতাংদা ভারতকী প্রধানমন্ত্রী নরেন্দ্র মোদিনা চেকেমোক লাওদবা অসিনি। ত্রিপুরাগী লুপ খরনা ফম্মিন্নদুনা লেপ্নখিবা মতুং ইন্না মাস ডেপুটেশন্দা ত্রিপুরাগী ডিএমগী খুত্থাংদা ভারতকী প্রধানমন্ত্রীদা মেমোরেন্ডাম অমা পীগদৌরি হায়রি।

সোর্স: মরূপ