ভুতানগী ফেস্তিবেলদা মণিপুরদগী য়াওনা অইবা ৫৩ শরুক য়ারি
ইম্ফাল, ফেব্রুৱারী ২৮ঃ দাঃ কমল ইন্তরনেম্নেল মণিপুরী লিতরেচর এন্দ আর্তস ফেস্তিবেল (কিমলাফ) ভুতাননা শীন্দুনা ঙসি ভুতানগী থিমফুদা লৈবা রোয়েল ভুতান যুনিবর্সিতিগী আর য়ু বি হোলদা লিতরেচর ফেস্তিবেল অমা পাঙথোকখ্রে।
থিংলে ৱাংচুক, দিরেক্তর অমসুং ইন্দিয়াগী এম্বেসি অনিকেত গোবিন্দ মন্দভগনেনা খৌবুরেল ওইনা শরুক য়াখিবা থৌরম অদুদা মণিপুরী সাহিত্য পরিসদ, ইম্ফালগী প্রসিদেন্ত লোংজম জয়চন্দ্রনা প্রসিদেন্ত ওইখি। মণিপুর, ত্রিপুরা, আসাম অমসুং মেঘালয়াদগী লাকপা অইবা ৫৩ না শরুক য়াখি।
ভুতানগী কিমলাফ ফেস্তিবেল থৌরমগী মতাং অমা
কিমলাফ ফেস্তিবেল অসিদা ইন্তরএক্তিব সেসন অমসু মণিপুরী অমসুং ভূতানিজগী মরক্তা পাঙথোকখি। মণিপুরী অমসুং ভূতানিজনা ইংলিস পোইম রিসাইতেসন অমসু পাঙথোকখি।
দাঃ খাঙেম্বম খোনিনা মণিপুরী জগোইগী মতাঙদা লেকচর অমসু পীখি। ৱাহেংবম কুমারি, লোংজম শঙ্গিতা অমসুং অতোপ্পা অইবা কয়ানা পেপর পাথোক্তুনা সেমিনার অমসু পাঙথোকখি। থৌরমগী মখা তাবদা মলতিলিঙ্গুএল পোইত্রি রিসাইতেসন পাঙথোকখি। নুংথিলগী সেসন্দা মণিপুরী দান্স অমসুং ম্যুজিক্কী থৌরমশিং উৎখি।
দাঃ কমল ইন্তরনেস্নেল মণিপুরী লিতরেচর এৱার্দ অমসু শক্নাইরবা ভুতানগী অইবা চাদোর ৱাংমোদা পীখি।
থৌরম অদুদা মণিপুরদগী চৎখিবা সরতচান্দ থিয়াম, কে এস ঐচ সুবদনি, চোংথাম সুবদনি অমসুং এল বিরমঙ্গলসু গেস্ত ওব ওনর ওইনা শরুক য়াখি হায়রি।
সোর্স - পোক্নফম
0 কমেন্ট:
কমেন্ট তৌবিয়ু