য়াইস্কুল খ্বাইরাকপমদা লৈচোম্বম রাজেন্দ্রো লাইফটাইম এচিভমেন্ট এৱার্দ ২০২৬ পীদুনা ইকায়খুম্নখ্রে
ইম্ফাল, ফেব্রুৱারি ২৭: মণিপুরী লাইব্রেরি এন্দ রিসার্চ সেন্তর, ভানুবিল, বাংলাদেশনা শিন্দুনা ঙসি বাংলাদেশকী শক্নাইরবা অইবা এ কে শেরামগী ৭৪ শুবা মপোক নুমিৎ থৌরাং পাঙথোকখিবগা লোয়ননা মণিপুরগী শক্নাইরবা অইবা য়াইস্কুল খ্বাইরাকপমগী মফমদা লাইব্রেরি অসিগী মায়কৈদগী "লৈচোম্বম রাজেন্দ্রো মেমোরিয়েল লাইফটাইম এচিভমেন্ট এৱার্দ ২০২৬" পীদুনা ইকায়খুম্নবা উৎখ্রে।
লক্ষী নারায়ণ মান্ডপ, ভানুবিলদা পাঙথোকখিবা থৌরম অদুদা তোঙান তোঙানবা লাইরিক ৪২ ইদুনা ফোঙখ্রবা বাংলাদেশকী শক্লাইরবা অইবা এ কে শেরামগী ৭৪ শুবা মপোক নুমিৎকী থৌরম অদুগী মনুং চন্না লাইব্রেরি অসিগী ফাউন্দর অয়েকপম অঞ্জুনা ইবা ঈশৈগী লাইরিক "থম্মোয়গী মনিন" অমদি মণিপুরগী অইবী উমাবতি অথোকপমনা ইবা "বাংলাদেশকী লৈমায়দা" হায়বা মিং থোনবা লাইরিক ২ সু হৌনবী মতুং ইন্না মায়খুম হাংদোকখি।
অয়েকপম অঞ্জুনা ইবা ঈশৈগী লাইরিক "থম্মোয়গী মনিন" মায়খুম হাংদোকপা
থৌরম অদুদা বাংলাদেশ মণিপুরী সাহিত্য সংসদ (বামসাস), বিশগাঁও ব্রাঞ্চকী প্রসিদেন্ট কবি খোইরোম কামিনি, বামসাসকী কমলগঞ্জ ব্রাঞ্চ কী প্রসিদেন্ট লাইফ্রাকপম ইবুঙোহল শ্যামল, বাংলাদেশ মণিপুরী সাহিত্য সংসদ, সেন্ট্রল কম্মিটিগী ভাইস প্রসিদেন্ট এল প্রশান্ত কুমার অমদি চিংথাম সঙ্গিতানা অখন্নবা মীথুংশিং ওইনা শরুক য়াখি।
অইবী উমাবতি অথোকপমনা ইবা "বাংলাদেশকী লৈমায়দা" মায়খুম হাংদোকপা
মণিপুরী লাইব্রেরি এন্দ রিসার্ছ সেন্তরগী এদভাইজর এল জয়ন্ত কুমারনা থৌরমদুগী থৌরম মপু ওইনা শরুক য়াখি। ঙসিগী থৌরম অদুগী নুংগী ওইবা ৱারোল থম্লদুনা লাইব্রেরি অসিগী ফাউন্দর অয়েকপম অঞ্জুনা ফোঙদোকখিবদা, বাংলাদেশ লমদমদা মণিপুরী লোন, লিটরেচর অমদি খুন্নাইগীদমক মপুন্সি কত্থোক্তুনা লাক্লিবা মমল য়াম্লবা থৌদাং কয়াবু ইকায়খুম্নবা উৎপা ওইনা ঐহাক্কী গুরু কবি এ কে শেরামগী ৭৪ শুবা মপোক নুমিৎ থৌরম অসি শিঞ্জবনি। তোঙান তোঙানবা লাইরিক ৪০ হেন্না ইদুনা ফোঙখ্রবা শক্লাইরবা কবি এ কে শেরামগী ৱাখল্লোন অসি ঐখোয় খুদিংমক্লা তমজনিংঙাই ওই। ওঝা অসিগী কন্ত্রিব্যুসন কয়া অসিবু শকখঙবা উৎলদুনা বাংলাদেশ অমদি ইন্দিয়াগী তোঙান তোঙানবা লুপশিংনসু মমল লৈরবা এৱার্দ কয়াসু পীদুনা ইকায়খুম্নবা উৎলকখ্রবা ঐখোয়গী তাংলবা অইবা অমনি হায়খি।
সোর্স - থৌদাং
0 কমেন্ট:
কমেন্ট তৌবিয়ু