বুধ চিংথামদা ফ্লোটিং ৱার্ল্ড থিয়েটার এৱার্দ পীদুনা ঈকায় খুম্নবা উৎখ্রে
ইম্ফাল, নভেম্বর ১৪ : থিয়েটার এন্দ কালচার ওফ পিছ হায়বা থীমদা য়ূম্ফম ওইদুনা ফ্লোটিং হট রেপর্টরি থাঙ্গ লিংখৎখিবগী তরুকশুবা ফাউন্দেসন দেগা মরী লৈননা থাঙ্গ পার্ট টুগী কেয়ারটেকার প্রধান নিংথৌজম চন্দ্রনা মহাক্কী লৈখিদ্রবা অপোকপা নিঙথৌজম গন্ধারসিংগী মিংদা কৎপা এৱার্দ ফ্লোটিং ৱার্ল্ড থিয়েটার এৱার্দ থিয়েটারগী লমদা শক্নাইরবা বুধ চিংথামদা পীদুনা ঈকায় খুম্নবা উৎখ্রে।
থাঙ্গ খুঞ্জেম মান্দপতা পাঙথোকখিবা তরুকশুবা ফাউন্দেসন দেগী থৌরম অদুদা ইষ্টার্ণ জোনেল কালচারেল সেন্টার কোলকাটাগী বোর্দাস ওফ গভর্ণরগী ষ্টেট মেম্বার বুধ চিংথাম, রিটায়ার্দ দেপ্যুটি ইন্সপেক্তর ওফ স্কুল চুড়াচান্দপুরগী নিঙথৌজম বিরেন অমদি বিষ্ণুপুর দিষ্ট্রিক্টকী কেয়ারটেকার উপ-অধ্যক্ষ এন দিনেশনা মথংশিৎনা অথোইবা মীথুং, থৌরম মপু অমদি অখন্নবা মীথুংশিং ওইনা শরুক য়াখি।
ফ্লোটিং হট রেপর্টরি থাঙ্গ লিংখৎখিবগী পাঙথোকখিবা তরুকশুবা ফাউন্দেসন দেগী থৌরম অদুদা রেপর্টরি অসিগী সেক্রেটারি এন ভুমেশ্বরনা নুংগী ওইবা ৱারোল পীরদুনা ময়ায় কাবা চীঞ্জাক্না চাথৎলবা সোসাইটি অসিদা লৈরিবা হৌগৎলক্লিবা নহাশিংবু আর্টকী লমদা পুদুনা অফবা মায়কৈরোমদা পুরক্নবগী পান্দমদা অসিগুম্লবা ফ্লোটিং হট রেপর্টরি থাঙ্গ হায়রিবসি লিংখৎখিবনি হায়না ফোঙদোকখি।
বুধ চিংথামদা ফ্লোটিং ৱার্ল্ড থিয়েটার এৱার্দ খূৎশিন্নখিবা অদুদা সোল, সাইটেসন অমদি মেমেন্টো অমসু য়াওরি। থৌরম অদুগী শরুক অমা ওইনা লান অসিনা মরম ওইরগা লৈখিদ্রবা অথৌবশিংগী মফমদা মিনিট অনী তুমীন্না লেপ্তুনা ঈকায় খুম্নখি অমদি ঐখোয়বু অমুক্তা কনবীয়ু হায়বা প্লেসু উৎখি হায়রি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু