বামছাস’না শিলাংদুনা ‘সেমিনার অমসুং রাসোৎসব ২০২৩’ থৌরম পাঙথোকখ্রে
সিলেট, নভেম্বর ২৭: চহি ৪০ শুরকপা খুনাইগী চাওখৎ খোংথাং লমজিংদুনা লাকখিবা বাংলাদেশকী মহৈরোয় লুপ বাংলাদেশ মণিপুরী ছাত্র সমিতি (বামছাস)না ইং কুমজা ২০২০ দগী মণিপুরী জগোয়গী নুমিৎ অমা লেপ্নবগীদমক ইং কুমজা ১৭৭৯ দা মণিপুরগী ইনিংথৌ রাজর্ষী মহারাজ ভাগ্যচন্দ্রনা হৌদোকখিবা কার্তিক পূর্ণিমাদা মহারাস নুমিৎ অসিবু মণিপুরী নৃত্য দিবস (মণিপুরী জগোয়গী নুমিৎ) ওইহন্নবা দাবী তৌদুনা লাকখি। মদুগী মথং মনাও ওইনা ঙরাং ২৬ নভেম্বর ২০২৩, নোংমাইজিং নুমিৎ সিলেট সিটিগী মণিপুরী রাজবাড়ী মন্ডপতা সেমিনার অমসুং রাসোৎসব ২০২৩ পাঙথোকখি।
থৌরমগী অহানবদা কুলাউড়া কর্মধাগী মণিপুরী সাংস্কৃতিক একাডেমীগী সভাপতি অমসুং বামছাসকী এডভাইজর ওজা বীরেন্দ্র সিংহনা থৌরম মপু অমসুং চীফ গেস্ট ওইনা ডিষ্ট্রিক্ট যুবলীগকী সিনিয়র সভাপতি এডভোকেট আব্দুল মতিন অদুগা গেষ্ট ওব ওনার ওইনা শ্রীশ্রী দূর্গাবাড়ী মন্ডপকী ডাইরেক্টর রাজেশ চক্রবর্তী, বাংলাদেশ বেতারগী মৃদঙ্গ প্রোগ্রামগী প্রোডিউসার এইচ নীলমনি সিংহ, নির্ঝরিণী সঙ্গীতাঙ্গনগী ডিরেক্টর বিধান সিংহ, সোস্যাল এক্টিভিষ্ট দেবাশীষ চক্রবর্তী লোয়ননা আওয়ামী লীগকী লুচিংবা মিস্টার সুরুজ আলী।
ওইনাম সত্যজিৎ সিংহনা কন্ডাক্ট তৌখিবা সেমিনার কাম নৈনবা মীফম অদুদা বামছাস কুলাউড়া ব্রাঞ্চকী জেনারেল সেক্রেটারী সাগর সিংহনা ময়ামবু তরাম্না ওকপগী ৱারোল থমখি অমসুং সেমিনার পেপার পাথোকখি এন. এম এডুকেশনাল ট্রাস্টকী চেয়ারম্যান, অইবা ওজা এল. নন্দলাল সিংহ।
নৈনবা মীফম মতুং অনিশুবা তাঙ্কক্তা কালচারেল থৌরমদা সিলেট বেতার অমসুং টেলিভিশনগী শৈশকপী সুষমা দেবী, মাইবম লৈনা, অবিনাশ সিংহ, লৈকোন দেবী, রুদ্রানী সিনহানা ঈশৈ কয়া খুদোল তমখি অমসুং জি. জয়শ্রী শর্ম্মা অমসুং অসেম আভানা জগোয়গী পার্ফোমেন্সতা শরুক য়াখি।
অরোইবদা ওজা এল. শান্তনা দেবীগী ডিরেক্সন অমসুং কোরিওগ্রাফীদা একাডেমি ফর মণিপুরী কালাচর এন্ড আর্টস (এমকা) সিলেটকী আটির্ষ্টশিংনা রাস জগোয়গী মতাং অমা পার্ফোম তৌখি ।
পনবা য়াবদি, থৌরম অসিগা মরি লৈননা ফোংবা চেফোঙ `রাস-৪' হায়বা চেফোং অমসু মাইখুম হাংদোকখি।
থৌরম অদুদা বামছাস সেন্ট্রাল কমিটিগী প্রেসিডেন্ট বিকি সিংহ, জেনারেল সেক্রেটারী অয়নমনি সিংহ, অর্গানাইজেশন সেক্রেটারী রনিক সিংহ লোয়ননা রিমন সিংহ, শ্যাম সিংহ, অর্ঘ্য সিংহ, ক্ষিতিশ শর্মা য়াওনা বামছাসকী অতৈ অতৈ মেম্বার অমসুং মহৈরোয় কয়াসু শরুক য়াখি।
0 কমেন্ট:
কমেন্ট তৌবিয়ু