বাংলাদেশ মণিপুরী মুসলিম ইডুকেশন ট্রাস্ট (বিএমইটি)গী পরীক্ষা লৌখ্রে
সিলেট, অক্টোবর ০৭: ঙরাং ৬ অক্টোবর কমলগঞ্জ উপজেলা মনুং চন্না লৈবা আদমপুর ইউনিয়নগী মশক নাইরবা স্কুল তেতইগাঁও রসিদ উদ্দিন হাই স্কুলদা বাংলাদেশ মণিপুরী মুসলিম ইডুকেশন ট্রাস্ট (বিএমইটি)গী পরীক্ষা লৌখ্রে। হন্দক পাংথোকলিবা ২০সুবা পরীক্ষা অসিদা ক্লাশ-৫ দা ৭৫, ক্লাশ ৮ দা ৩৮ অদুগা ক্লাশ ১০দা ৩৪ মহৈরোয় পুন্না ১৪৭ পরীক্ষাদা শরুক য়াখি।
পনবা য়াই, বাংলাদেশতা খুন্দাদুনা লৈবা মীতৈ পাঙল খুন্নাইগী মহৈরোয়শিংগী পুক্নিং থৌগৎপা ওইনা চহি খুদিংগী ২০০১দগী বাংলাদেশ মণিপুরী মুসলিম ইডুকেশন ট্রাস্ট (বিএমইটি) লূপ অসিনা পরিক্ষা অসি পাংথোকতুনা লাকখি।
হন্দক পাংথোকলিবা বিএমইটি কমিটিগী কেন্দ্র সচিব ওইনা থৌদাং লৌখি তেতই গাঁও রসিদ উদ্দিন হাই স্কুলগী ভারপ্রাপ্ত প্রধান শিক্ষক শাহেনা বেগম। হোল সুপারগী থৌদাং ওইনা আলী আমজদ সরকারী উচ্চ বিদ্যালয়গী সিনিয়র শিক্ষক মো: শাহাব উদ্দিন, অদুগা লোয়নবা হোল সুপার ওইনা কোনাগাঁও সরকারী প্রাথমিক বিদ্যালয়গী প্রধান শিক্ষক মো: শাহাজ উদ্দিননা ওইখি।
পরীক্ষা লৌবগী থৌরম অদুদা বাংলাদেশ মণিপুরী মুসলিম এডুকেশন ট্রাস্টকী থৌবুরোয় জেনারেল সেক্রেটরি মোঃ কামাল উদ্দিন কা লোয়ননা ওজা আব্দুল কাইয়ুম, ওজা আলী সারয়ার, হুমায়ুন রেজা সোহেল, সদস্য কাইয়ুন খান, আজিজ আহমেদ, তমিজুর রহমান৷ অমসুং বাংলাদেশ মণিপুরি মুসলিম টিচার্স ফোরামগী জেনারেল সেক্রেটরি ফরিদ আহমেদসু শরুক য়াখি। অমদি পরীক্ষা লৌরিবা সেন্টরদা য়েংশনবা অমসুং পুক্নিং থোগৎপা ওইনা বিএমইটি’গী এডভাইজর অমসুং বাংলাদেশ মণিপুরি মুসলিম সমাজ কল্যাণ পরিষদকী প্রসেডেন্ট ওজা মোঃ খুরশেদ আলী, বিএমইটি’গীএডভাইজর অমসুং ভান্ডারী গাঁও হাই স্কুলগী রিটায়ার্ড হেড টিচার ওজা মোঃ আমজদ আলী, বিএমইটি’র এডভাইজর অমসুং তেতই গাঁও রসিদ উদ্দিন হাই স্কুলগী রিটায়ার্ড হেড টিচার ওজা আব্দুল মতিন, জর্নালিষ্ট সাব্বির এলাহী, মাওলানা রসিদ উদ্দিনসু শরুক য়াখি ৷
0 কমেন্ট:
কমেন্ট তৌবিয়ু