বাংলাদেশতা সেকেন্ডারী স্কুল সার্টিফিকেট (এস এস সি ) এক্সামদা মায় পাকলকপা মহৈরোয় পুম্নমকপু মণিপুরী কল্যাণ পরিষদনা তরাম্না ওকখ্রে
সিলেট, আগষ্ট ৩১ : বাংলাদেশকী মৌলভীবাজার ডিস্ট্রিক্ট মনুংচনবা কমলগঞ্জ উপজেলাগী তেতইগাঁও (মঙ্গেমখোঙ)দা লৈবা মণিপুরী কালচারাল কমপ্লেক্সতা ঙরাং ৩০ আগস্ট ২০২৫, থাংজ নুমিৎতা মণিপুরী কল্যাণ পরিষদ, কমলগঞ্জনা শিল্লাংদুনা কমলগঞ্জ উপজেলা (সাবডিভিসন) মনুংদা খুন্দারিবা মৈতৈশিংগী মনুংদা সেকেন্ডারী স্কুল সার্টিফিকেট (এস এস সি ) এক্সাম ২০২৫ দা জিপিএ-৫ ফংবা মহৈরোয় ৪ অমসুং এক্সাম অসিদা মায় পাকলকপা পাস তৌরবা মহৈরোয় ১৯ বু তরাম্না ওকপগা লোয়ননা স্কোলারশীপ য়েন্থোকপগী থৌরম পাংথোকখ্রে হায়রি।
থৌরম অসিদা অথোইবা মিথুংলেন ওইনা মণিপুরী কালচারাল কমপ্লেক্সকী প্রেসিডেন্ট জয়ন্ত কুমার সিংহ, ভান্ডারীগাঁও হাই স্কুলগি এক্স হেডমাস্টার বীরেন্দ্র সিংহ, তেতইগাঁও রশিদ উদ্দিন হাই স্কুলগী এক্স সিনিয়র টিচার রনজিৎ সিংহ অমসুং অমসুং মণিপুরী প্রাথমিক শিক্ষক সমিতিগী এক্স প্রেসিডেন্ট কুঞ্জরাণী সিনহানা শরুক য়াখি। হন্দক চহিগী সেকেন্ডারী স্কুল সার্টিফিকেট (এস এস সি ) এক্সাম ২০২৫ দা মায় পাকলকপা মহৈরোয় ময়ামবু থাগৎলদুনা রানাবাবু সিংহ, জয়কুমার সিংহ, শান্ত কুমার সিংহ, বৃন্দা দেবী, ওইনাম পামহৈবা অমসুং সুধীর সিংহনা মমল লৈরবা ৱাহৈ কয়া থম্বিখি।
0 কমেন্ট:
কমেন্ট তৌবিয়ু