আপডেট:
image

চহী ২দগী ১৮ ফাওবগী অঙাংশিংদা কোভেক্সিন কাপ্পগী অয়াবা পীখ্রে

নিউ দিল্লী, অক্টোবর ১২ : কোভিদ-১৯গী সাবজেক্ট এক্সপার্ট কমিটি (এস ই সী) না ভারত বায়োটেককী কোভেক্সিন চহী ২-১৮ গ্রুপকী অঙাংশিংদা ইমার্জেন্সিদা শীজিন্নবগী

নিউ দিল্লী, অক্টোবর ১২ : কোভিদ-১৯গী সাবজেক্ট এক্সপার্ট কমিটি (এস ই সী) না ভারত বায়োটেককী কোভেক্সিন চহী ২-১৮ গ্রুপকী অঙাংশিংদা ইমার্জেন্সিদা শীজিন্নবগী অয়াবা পীখ্রে। হাইদ্রবাদ বেজ ভারত বায়োটেকনা হৌখিবা সেপ্টেম্বরদা চহী ১৮ মখাগী অঙাংশিংদা কোভেক্সিনগী অনীশুবা অমসুং অহুমশুবা ফেজগী চাংয়েংশিং মপূং ফানা লোইশিনখি অমসুং চাংয়েংগী ডেটা অদু চৎলিবা থা অসি হৌরকপদা ড্রাগস এন্ড কন্ট্রোল্লার জেনারেল অব ইন্দিয়া (দি সী জি আই) দা সাবমিট তৌখি।
সাবজেক্ট এক্সপার্ট পেনেল অসিনা ষ্টেটমেন্ট অমদা হায়, কূপ্না খন্নরবা মতুং কমিটি অসিনা ভেক্সিন অসি ইমার্জেন্সিগী ফিভমদা চহী ২ দগী ১৮ ফাওবগী গ্রুপ্তা শীজিন্ননবগী মার্কেট অথোরাইজেসন পীনবা রিক্কম্মেন্ড তৌখি। ইন্দিয়ানা শাবা ভেক্সিন অসি ডোজ অনী থোক্না কাপকদবনি। অহানবা ডোজ অমসুং অনীশুবা ডোজগী মরক্তা নুমিৎ কুননিগী গেপ লৈগনি।
ভারত বায়োটেকনা ষ্টেটমেন্ট অমদা হায়, কোম্পানী অসিনা সাবমিট ক্লিনিকেল ত্রায়েল ডেটা অদু সেন্ট্রেল ড্রাগস ষ্টেন্ডার্ড কন্ট্রোল অর্গানাইজেশন (সী দি এস সী ও) অমসুং এস ই সীনা মপূং ফানা রিভিয়ু তৌখি অমসুং মখোয়না পোজিটিভ রিক্কম্মেন্ডেসন পীরকখি। ভেক্সিন ডিভেলপার অসিনা মখা তানা হায়, মসি মালেমগী ওইনা চহী ২-১৮ গ্রুপতা শীজিন্ননবা এপ্রুভ তৌবা অহানবা ভেক্সিনশিংগী মনুংদা অমনি। রিভিয়ু প্রোসেস থুনা চত্থবীখিবগীদমক্তা ভারত বায়োটেকনা দি সী জি আই, সাবজেক্ট এক্সপার্ট কমিটি অমসুং সী দি এস সী ওবু থাগৎচরি। প্রোডাক্ত লোঞ্চ তৌদুনা অঙাংশিংদা শীজিন্ননবা মার্কেটতা ফংহন্দ্রিঙৈগী মমাঙদা ঐখোয়না সী দি এস সী ওগী মায়কৈদগী মখা তাবা এপ্রুভেলশিং ঙাইরি।
ভেক্সিন অমা ইমার্জেন্সিদা শীজিন্নবগী অয়াবা পীবা হায়বসি অকক্নবা কন্ডিশন খরগী মখা পোল্লি। কোভেক্সিনগী ডিভেলপার অসিনা এপ্রুভ তৌবা হোল ভিরিওন, ইনএক্টিভেটেদ কোরোনা ভাইরাস ভেক্সিনগী চাংয়েং প্রোটোকোল মতুং ইন্না মখা তানা ষ্টাডি চত্থখিগনি। মসিগী মথক্তা ফার্ম অসিনা এনালাইসিস মতিক চানা তৌদুনা এ ঈ এফ আই অমসুং এ ঈ এস আইগী ডেটা য়াওনা অহানবগী থা অনীগী ওইনা নুমিৎ ১৫ নি খূদিংগী সেফটি ডেটা সাবমিট তৌগনি। মসিগী মনুংদা থা খূদিংগী ডেটা সাবমিট তৌগনি।
সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু