খম্বা থোইবী লিতরেরি এৱার্দ মোইরাংথেম রাজেননা ইবা ‘মৈৱায়রক্লবা নুমিদাংৱাই’ কৌবা ৱারীমচাগী লাইরিক্তা পীরগনি
ইম্ফাল, ওক্টোবর ১৯ : ক্বাদ রাইতর্স মোইরাংনা চহী খুদীংগী পীগদবা খম্বা থোইবী লিতরেরি এৱার্দ কুমসি চহীগী ওইনা মোইরাংথেম রাজেননা ইবা ‘মৈৱায়রক্লবা নুমিদাংৱাই’ কৌবা ৱারীমচাগী লাইরিক্তা পীরগনি হায়রি।
ইং ২০২২ দগী পীবা হৌরকখিবা মনা অসি শৈরেং অমসুং নোভেলদা মথং মথং পীখ্রবা মতুংদা কুমসিগী ওইনা ৱারীমচাগী লাইরিক্তা পীগনি। মনা অসিদা শেল ওইনা লুপা ৩০,০০০, সাইতেসন অমা অমসুং মেমেন্তো অমা য়াওরি। ক্বাদ রাইতর্স মোইরাংগী চহীগী মীফম লাক্রিবা দিসেম্বর ২২ দা পাঙথোক্কদৌরিবা অসিদা মনা অসি লান্থোক্কনি হায়রি।
সোর্স: পোক্নফম
0 কমেন্ট:
কমেন্ট তৌবিয়ু