আপডেট:
image

একাডেমি ওফ মণিপুরী কালচারেল এন্ড আটর্স-এমকা, বাংলাদেশকী টিম ওকখ্রে

ইম্ফাল, নভেম্বর ২৩: থা অসিগী ২১গী হৌরক্লিবা ১১শুবা মণিপুর সঙাই ফেষ্টিবেলদা শরুক য়াগদবা মপান লৈবাক্কী কালচারেল ত্রুপশিংগী মনুংদা অমা ওইরিবা বাংলাদেশকী একাদেমি ওফ মণিপুরী কালচারেল এন্দ আটর্সকী-এমকা কাঙবু অমা থূংলবদা রাজর্ষি ভাগ্যচন্দ্র কালচারেল ফাউন্দেসন মণিপুরগী মেম্বারশিংনা তরাম্না ওকপগী থৌরম অমা পাঙথোকখ্রে।

ফাউন্দেসন অসিনা শিন্দুনা মসিগী সেগা রোদ থৌদা ভাবোক লৈকায়দা লৈবা ওফিসতা পাঙথোকপা থৌরমদা মসিগী প্রেসিদেন্ট ইন চার্জ আর কে সনাজাওবা, জেনারেল সেক্রেটারি মোইরাংথেম অশোক, সিনিয়র এদভাইজর বি অমুস্না, ত্রেজারার তখেল্লম্বম ইরাবত অমদি অতৈ মরু ওইবা মেম্বার কয়ানা শরুক য়াখি।

থৌরমগা মরী লৈননা ফাউন্দেসনগী মায়কৈদগী বাংলাদেশকী মণিপুরী কালচারেল এন্দ আটর্সকী কাঙবুদা খুদোলপোৎশিং পীদুনা ইকায়খুম্নবা উৎখি অমদি বাংলাদেশকী কালচারেল ত্রুপ অদুনসু ফাউন্দেসন অসিগী মেম্বারশিংদা অচম্বা খুদোলপোৎশিং পীরমখি। থৌরমগা মরী লৈননা বাংলাদেশকী কালচারেল ত্রুপ অসিগী সেক্রেটারী গুরুময়ুম শান্তনা ফোঙাদোকখিবদা বাংলাদেশতগী মখোয়না মখোয়গী হৌরকফম ওইরিবা মণিপুরদা লাকপদা মখোয়বু শক খঙবীনবা মমা মপাশিং লৈররোইদ্রা হায়না খঞ্জরুবনি অদুবু ঙসি রাজর্ষি ভাগ্যচন্দ্র কালচারেল ফাউন্দেসন মণিপুরনা মখোয়বু মমা মপা শক্না ওকপীবা অসি অসুক্কী মতিক নুংঙাইবা ফাওই হায়খি।

মহাক্না অতৈসু হায়, বাংলাদেশকী মীতৈ জগোয় অসি হেন্না চাওখৎ হন্নবা পান্দমদা ২০০৩ দা একাডেমি ওফ মণিপুরী কালচারেল এন্দ আটর্স-এমকা, বাংলাদেশ অসি ষ্টাব্লিশ তৌখিবনি। বাংলাদেশতা মীতৈ জগোয় অসি লাইগী ওইবা থৌরমদা মৌ খরনা শাবা নত্তনা প্রোফেসনেল ওইনা শাবা মীওই লৈতে। মরম অসিনা মীতৈ জগোয় অসি ওজা গুরু খরদগী তমজদুনা বাংলাদেশতা চাওখৎহন্নবা হোৎনবনি।

মহাক্না মখা তানা হায়, হন্দক মণিপুরদা সঙাই ফেষ্টিবেল অসি লাক্নবা হোৎনবদা বাংলাদেশকী ইন্টিলেকচুয়েল গ্রুপনি হায়জবা গ্রুপ অমনা মখোয়বু বিষ্ণুপ্রিয়ানি হায়দুনা চৎতনবা হোৎনরকখি। অদুবু একাডেমি অসিনা মীতৈ জগোয়গীদমক হোৎনরিবা অসি খঙবীদুনা ঙসিদি ফেষ্টিবেল অসিদা লাক্তুনা শরুক য়াবা ফংলে। হিরম অসিগী মতাংদা মণিপুরগী চীফ মিনিষ্টারগা উনদুনা য়েংশিন্নবা হায়খ্রে হায়খি।

সোর্স: সঙাই এক্সপ্রেস।

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু