ৱার্ল্ড এনবাইরোনমেন্ত দে পাঙথোক্তুনা ফৈরাবা এৱার্দ লান্থোকখ্রে
ইম্ফাল, জুন ৫ : সাহিত্য থৌপাং লূপ (সাথৌলুপ) ইম্ফালনা লেপ্তনা চত্থরকপা থৌরমশিংগী মনুং চন্না তেন্থা খোংবাল ওয়েলফেয়ার এসোসিয়েসন (তি কে দব্লিউ এ) গা খূৎশম্নরগা ঙসি ৱার্ল্ড এনবাইরোনমেন্ত দেগী থৌরম থৌবাল দিস্ত্রিক্তকী তেন্থা খোংবালদা লৈবা মাল্টিপ্লেক্সতা পাঙথোকখ্রে।
লোয়ননা মহৌশাগী খল কন্নবা হোৎনবা লূপশিং দা পীবা নিংঙোম্বম ফৈরাবা এৱার্দসু লান্থোকখ্রে। থৌরমসিগী শরুক অমা ওইনা অয়ূক্তা ‘হিংজনিংই ঐখোয়সু’ হায়বা পান্দমদা তেন্থাগী মফম কয়াদা উ চারাশিং থাখি। নুংথিলগী থৌরমদা মণিপুর য়ুনিভার্সিতি ওব কলচরগী রেজিস্ত্রার অমসুং লেংগ্বেজ প্লানিং এন্দ ইমপ্লিমেন্তেসনগী দিরেক্তর লাইশ্রম রাধাকান্তনা অথোইবা মীথুং অমদি হান্নগী মিনিস্তর দাঃ মোইরাংথেম নরনা থৌরম মপু ওইখি।
থৌরম অসিগা মরী লৈননা রোসন মোইরাংথেমন ‘দ ইম্পোর্তেন্স ওব ৱার্ল্ড এনবাইরোনমেন্ত দে’ অমসুং অইবা রাইতর্স তু সেব এনবাইরোনমেন্ত’ হায়বা হীরমসিদা ৱা ঙাঙখি।
মহৌশাগী খল কায়দনবা উমং শেমগৎপা অমসুং উচেক-ৱায়াশিংবু নুংশিজবা ইম্ফাল ওয়েস্টকী হাওরৈবী ময়ায় লৈকায়দগী লৈখিদ্রবা নিংঙোম্বম ফৈরাবগী মিংদা কৎপা নিংঙোম্বম ফৈরাবা এৱার্ড তেন্থা খোংবাল ওয়েলফেয়ার এসোসিয়েসন্দা পীখি। এৱার্দ অসিদা স্বাল, সাইতেসন, শেল ওইনা লুপা লীশীং ১০ য়াওরি।
সোর্স: পোক্নফম
0 কমেন্ট:
কমেন্ট তৌবিয়ু