য়ুএসএ'গী নিউইয়র্ক সিটিদা নিঙোল চাক্কৌবগী থৌরম
নিউইয়র্ক, নভেম্বর ৭ : ইরমদম থাদোক্তুনা লমদম থাপ্ন লৈখ্রবসু ঐখোয়গী নাৎ, চৎনবি, কালচার, লোন ঙাক্ননবা পান্দমদগী মৈতৈগী ওইবা হরাও কুম্মৈ কায়দনবা হোৎনজরিবা নোর্থ আমেরিকান বাংলাদেশী মণিপুরী সোসাইটি'না শিনলাংদুনা হৌখিবা থাংজ নুমীৎ, ৫ নভেম্বরদা নিউইয়র্ক সিটিগী জ্যাকশনহাইটস কনভেনশন হোল অমদা নিঙোল চাক্কৌবগী থৌরম অমা পাঙথোকখ্রে হায়রি।
নিঙোল চাক্কৌবগী থৌরমদা শরুক য়াখিবা নিঙোল খরা
থৌরম অদুদা নাৎকী ওইবা ফিরোলশিং শেৎলদুনা নিঙোল পিবা ময়াম শরুক য়াখি অমসুং হৌনবী মতুং ইন্না নিঙোলশিংদা খুদোল পোৎ তমখি অমদি মফমদুদা লৈরিবা অহল লমনশিংবু তরাম্না ওকপগী থৌরম অমসু পাঙথোকখি।
মৈতৈ ময়েক তাকপা তম্বিবগী কোর্সতা শরুক য়াখিবা অঙাংশিংদা সার্টিফিকেট পিবগী মতাং অমা
নিউইয়র্ক সিটিদা লৈরিবা নিঙোল অমদি অঙাংশিং ময়ামনা নাৎকী ওইবা ঈশৈ-জগোয় কয়া খুদোল তমখি অদুগা লোয়ননা চহিসিগী আগস্ট থাদগী সোসাইটি অসিনা অঙাংশিংদা মৈতৈ ময়েক তাকপা তম্বিবগী কোর্স অমা পাঙথোকখিবগী সার্টিফিকেট অমমগা লোয়ননা গিফ্ট পিরদুনা অঙাংশিংবু পুক্নিং থৌগৎখি হায়রি।
0 কমেন্ট:
কমেন্ট তৌবিয়ু