শান্তিগী পাউজেলদা নিশানগী খোঙচৎ
আগরতলা, জুন ১৬ : সলাই তরেৎ ফিরাং পায়রদুনা মরু ওইনা মৈতৈনা তাবা খুঙ্গংশিংদা মখোংনা শান্তিগী পাউজেল পুদুনা চৎলি কুমারঘাট বেতছড়া মৈতৈ খুঙ্গংগী থৌনা লৈরবা মৈতৈ মচা নাওতোম নিশান। মণিপুরদা থোক্লিবা কাঙলুপকী ঈরাং অসিনা মহাক্কী থম্মোয়দা অসুক্কী মতিক নুঙাইতবা ফাওহনখি। কাঙলুপকি ঈরাং লেপ্পীয়ু হায়না সলাই তরেৎকী ফিরাল পায়দুনা শান্তিগী পাউজেল পুদুনা চৎখিবা জুন ৬ লৈবাকপোকপা নুমিৎ বেতছড়া (অৱাং) মশাগী ময়ুমদগী মখোংনা লমথাখি।
মহাক্কী খোঙচৎকী মরু ওইবা পান্দমদি মণিপুরদা শান্তি হঞ্জিল্লক্নবা অমদি ত্রিপুরাগী চোইনা চোইনা তারিবা মৈতৈ খুঙ্গংশিংদা শান্তিগী পাউজেল য়ৌহন্দুনা মৈতৈ ঐখোয় ময়াম পুল্লসি হায়বসিনি। মহাক বিশালগড়, আগরতলা, বামুটিয়া, খোয়াই, গৌরনগর, বড়সুড়মা, মানিক ভান্ডার, কাঞ্চনবাড়ী, কৈলাশহর, ধর্মনগর, খাগ্রি নচিংবা মরু ওইনা সিপাহীজেলা, নোংচুপ, খোয়াই, ধলাই, উনকোটি, নোংপোক জিলা নচিংবা মৈতৈনা তাবা জিলা ৬ অমসুং মৈতৈ খুঙ্গংশিংদা চৎলগা শান্তিগী পাউজেল পীদুনা হৌজিক ফাওবদা মখোংনা কি:মি: ৪০০ হেন্না চৎপা ঙমখ্রে হায়রি।
মহাক্না হায়খি, খোঙচৎ অসিগী দমক ময়াম্না মতেঙ পাংবিরক্তুনা মহাক্কী একাউন্টতা থারকপা লুপা লোইপুম্বা মহাক্না অমুক মণিপুরদা ঈরাংদা অৱাবা তারবশিংগী মতেংগীদমক থাখ্রে হায়রি। মহাক্কী মথংগী খোঙচৎ আসামদনি। বরাক তম্পাক্কী কাছাড় জিলাগী মৈতৈনা তাবা খুঙ্গংশিং অমসুং গৌহাটি হোজাই নচিংবা মফমদসু শান্তিগী পাউজেল পুদুনা চৎকনি হায়রি।
মণিপুরী জগোইগী খুত্থাংদগী মালেমনা ত্রিপুরাবু মশক খঙলবা মণিপুরী জগোইগী ওজা পাঙনবম নবকুমার ঠাকুরগী শুরোন এন. নিশান, ইং ২০০৩ গী মার্চ তাং ২৩ আগরতলাদা মমাগী গর্ভনুংদগী কেজিঃ ৫ হেন্না লুম্না আই.জি.এম হাসপাতালদা পোক্তুনা রেকর্ড অমা ওইখি। নিশানগী অপোকপগী মিং এন রবেন সিংহ কৌই, অপোকপীগী মিং পাঙনবম নিঙোল অনিতা, লৈখিদ্রে। ময়ুম আগরতলা চন্দ্রপুর (দাপ্তা) দনি। ইকুই কুইদনা চন্দ্রপুরদগী বেতছড়াদা য়ুম হোংলকপনি।
নিশান ক্লাস টুয়েল্ব পাশ তৌদুনা ধর্মনগর কলেজতা গ্রেজুয়েট তম্লি। লাইরবা ইমুংদগী হৌরকপা মচিল মনাওদা মহাক মতোমতনি। মপাবুং রাবার বাগান্দা থবক তৌই। নুংতিগী শু-তাল্লগা চাবা থবক তৌই। নুংতিগী শু-তাল্লগা চাবা পুন্সি মহিং ইমুংদগী হৌরকপা নিশানগী মথৌনা ইপা ইপুগী হৌরকফম মণিপুর লৈবাকপু নীংজবা অমদি মজাতিবু নুংশিবগী খুদম কয়া অদু পাউমী অসিনা টেলিফোনিক ৱারী শান্নবদা খঙবা ঙমখি।
সোর্স : মরূপ
0 কমেন্ট:
কমেন্ট তৌবিয়ু