রেপর্টারি ওফ ৱারী লীবা মণিপুরগী বরাক ভেলি ব্রাঞ্চ হাংদোকখ্রে
ইম্ফাল, এপ্রিল ০৯
মণিপুরগী তাঙলবা নেরেটিভ আর্ট ফোর্ম অমা ওইরিবা ৱারী লীবা আর্টপু মণিপুরগী মপান্দা খুন্দারিবা মফমশিংদা হেন্না চাওখৎনবগী পান্দমদা রেপর্টরিনা লৌখৎলকপা খোঙথাংশিংগী শরুক অমা ওইনা আসামগী বরাক ভেলিদা ব্রাঞ্চ অমা হাংদোকখ্রে হায়না রেপর্টরি ওফ ৱারী লিবা মণিপুরগী দিরেক্টর তখেল্লম্বম শ্যামকানাইনা থাদোরকপা চেরোল অমা ফোঙদোকরক্লি।
কাছারগী বনতারাপুরদা লৈবা বরাক ম্যুজিম এন্দ লাইব্রেরিদা ব্রাঞ্চ হাংদোকপগী থৌরম অদুদা কাছার লমদমগী শক্নাইরবা ৱারী লীবা হাজারিময়ুম শ্যামকিশোর শর্ম্মানা থৌরম মপু ওইখি। মীফম অদুদা মীওই ১১না শাবা এগজিক্যুটিভ কম্মিটি অমসু শেমখি। ব্রাঞ্চ অসিগী প্রেসিদেন্টনা হাজারিময়ুম শ্যামকিশোর শর্ম্মা, ভাইস প্রেসিদেন্টদা কোংব্রাইলাৎপম শচিমোহন শর্ম্মা, জেনারেল সেক্রেটারিদা থৌনাওজম হেমবাবু, জোইন্ট সেক্রেটারিদা লাইতোঞ্জম বাবাহন অমদি মেম্বারদা এল চন্দ্রমোহন, নেপ্রম বিশ্বজিৎ, ইন্দ্রমনি সুদাংশু শর্ম্মা, এস প্রোনোব, বিরেন্দ্রনচিংবনি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু