• 826
• ৮ই ফেব্ররুয়ারি ২০২৩ ইং
• Share on:

মীতৈ ময়েক্না শরুক মরিগী অমা হাপ্লগনি

ইম্ফাল, ফেব্রুয়ারি ৭ : মীতৈ ইরোল ইয়েক লোনশিল্লোন অপূনবা লূপ (মীলাল) কংলৈপাক্না শীন্দুন মীতৈ ময়েক্কী মনিটরিং কমিটিগী মীফম অমা ওল মণিপুর ৱার্কিং জার্নেলিস্ত য়ুনিয়ন (অমজু) গী প্রেসিদেন্ট ৱাং খেমচা শমজাই, এডিটর্স গীল্ড মণিপুরগী প্রেসিদেন্ট খোগেন্দ্র খোমদ্রাম অমসুং মীলালগী লুচিংপুরেল খাইদেম ইঙোচা মীতৈ অহুম্না ময়াই তাংবল লৌদুনা ঙসি মণিপুর প্রেস ক্লাব ইম্ফালদা পাঙথোকখ্রে হায়রি।

মীফম অদুনা কূপ্না খন্নরবা মতুংদা অমত্তা ওইনা য়ানদুনা ৱারেপ খরা লৌখ্রে। অহানবা ৱারেপ্তা চৎলিবা চহী অসিদগী বাংলাদা ফোঙলিবা মণিপুরী পাউ-চেশিং খুদীংমক শরুক মরি থোকপগী অমা হায়বদি অপূনবা চেনাগী পাথোক্লগা অমদি মীতৈ ময়েক্তা ফেব্রুয়ারি ২০২৩ গী চৈচৎ ১৫দগী হাপ্পা হায়না য়ানখি।

অনীশুবা ৱারেপ্তা মীতৈ ময়েক্কী ফন্ট অসি সাইন্টিফিক ওইবা অমসুং য়ুনিকোডতা চলহন্নবা মণিপুর লৈঙাক্তা মনিটরিং কমিটি অসিনা তকশিনবা হায়না য়ানখি। অহুমশুবা ৱারেপ্তা মীতৈ ময়েক অসি পাউ-চেশিংদা মপূং ফানা হাপখিনবগীদমক চহী চহীগী ওইবা মনিটরিং কমিটি অসিনা খন্ন-নৈনমিন্নদুনা হেন্না ফগদবা খোঙথাং লৌমিন্নবা হায়নসু মীফম অদুনা অমত্তা ওইনা য়ানখি হায়না মনিটরিং কমিটি অসিগী কনভেনরগী চেরোল অমনা হায়রি।

সোর্স: পোক্নফম