মণিপুর সাহিত্য থৌবাল পরিষদ থৌবাল (মশা) দিস্ত্রিক্তকী সিলবর জুবিলী হৌদোকখ্রে
ইম্ফাল, মে ৩১: মণিপুরী সাহিত্য পরিষদ থৌবাল দিস্ত্রিক্ত মশা শাফোং লকপা চহী ২৫ শুরকপগী চহী অমা চুপ্না চত্থগদবা 'লুপা ফুদোংবা থৌরম' সিলবর জুবিলি হৌদোকপগী থৌরম অমা ঙসি খোরিরোল শঙলেন ৱাংজিংদা পাঙথোকখ্রে।
থৌরমগা মরী লৈননা অথোইবা মীথুংলেনগী ৱাৱোলদা এম এল এ পাওনম ব্রোজেননা হায়, লমদম অসিদা অইবশিংনা লৌরিবা থৌদাং য়াম্না চাউই, খুন্নাই অমা চাউখৎপদা অইবা অইবীশিংনা অচৌবা থৌদাং লৌবগা লোয়ননা অইবশিংগী খুৎইদা খুন্নাই অদুগী মীংশেল ওইরিবনি। লমদম অসিগী ঈং তপ্পা খুন্নাই অমা ওইনবা হোৎনবদা অইবশিংনা হান্নদগী হেন্না অচৌবা থৌদাং লৌবীয়ু হায়রি।
ঙসি হৌদোকপা নুমিৎতা লাইরিক ফোঙবা, শৈরেং শৈদিন্নবা অমসুং ৱাংজিংদগী লৈখিদ্রবা শক্লাইরবা অইবা সাহিত্য একাদেমি এৱার্দি সম্বান্দুরাম নন্দাকিশোরগী পুন্সি ৱারী নৈনবনা মপূং ওইবা থৌরমশিং ওইখি। মশক নায়বা অইবা অমমম ওইরিবা অদুগা রিতয়ার্দ লেকচররশিং শাইখোম চাওবা অমসুং নিংথেম নাওরিয়া অনীনা লৈখিদ্রবা অশৈবা শম্বান্দুরাম নন্দাকিশোরগী মরমদা ৱা ঙাঙখি। তুংদা শক্নাইরবা অইবা ভোরোত সনসমনা ইবা 'খুন্নাইদা অইবশিংগী থৌদাং' হায়না মীং থোনবা মণিপুরী ৱারেংগী লাইরিক অমসু অথোইবা মীথুংলেন্না হৌনবী মতুৎ ইন্না ফোঙখি।
নহাকপম বীরেননা থৌরম হৌদোকপগী ৱারোল পীবগা লোয়ননা খোরিরোল শন্দোকলূপ ৱাং জিংগী প্রসিদেন্ত তোংব্রম বাবুলালনা লুপকী মহুৎ শিল্লগা লুপ অসিগী চাউখৎ থৌরাংগী মরী লৈনবা ৱাফম কয়া য়াওবা ৱাকৎ চেরোল অমা এম এল এ ব্রোজেনদা পীশিন্দুনা থবক ওইনা পাঙথোকপিনবা তকশিনখি। লৈখিদ্রবা অইবশিংগীদমকসু অৱাবা ফোঙদোকখি।
ঙসিগী থৌরমদুদা ৱাংজিং এ সিগী এম এল এ পাওনম ব্রোজেন অথোইবা মীথুংলেন, মণিপুর সাহিত্য পরিষদ থৌবাল দিস্ত্রিক্ত
মশাগী প্রসিদেন্ত দাঃ য়ূম্নাম মহেন্দ্র কুমার থৌরম মপু, ৱাংজিং লমদিং ম্যুনিসিপাল কাউন্সিলগী কেয়ারতেকর চেয়ারপার্সন পেচিময়ূম রোনি, কেয়ারতেকর কাউন্সিলশিং সগোলশেম শান্তি, নারেংবম বিনয়, হৈগ্রুজম গৌরাঙ্গো ত্রোংব্রম বিশ্বামিত্র অমসুং তখেল্লম্বম নোরেননা ইকায় খুম্নবা মীথুংলেনশিং ওইনা শরুক য়াখি।
পরিষদ অসিগী লাক্লিবা কুমশিং ২০২৭গী মে ৩১দা চহী ২৫ মপুং ফারগনি। লুপ অসিনা চহী ২৫দা খোঙ থাঙজিল্লক্লিবা অসিগা মরী লৈননা তোঙান তোঙানবা মফমশিংদা থৌরম কয়াসু পাঙথোক্কনি হায়রি।
সোর্স - পোক্নফম
0 কমেন্ট:
কমেন্ট তৌবিয়ু