মণিপুরী সাহিত্য পরিষদ, আসামগী ৬৩ শুবা ফাউন্ডেশন ডে পাঙথোকখ্রে
আগরতলা, ওক্টোবর ২০ :ইংকুমজা ১৯৬১ দা লিংখঃখিবা মণিপুরী সাহিত্যগী লমদা আসামদা খ্বাইদগী লীরবা মণিপুরী সাহিত্য পরিষদ, আসামগী ৬৩ শুবা ফাউন্ডেশন ডে থৌরম পাঙথোকখ্রে। চৎখিবা অক্টোবর তাং ১৭, পরিষদ অসিগী হোজাই ডিষ্ট্রিক্ট কমিটিনা শীল্লাংদুনা নন্দপুর চারিয়ালী দুর্গা মন্দির কমিউনিটি হোলদা পাঙথোকখিবা ফাউন্ডেশন ডে থৌরম অদু হোজাই ডিষ্ট্রিক্ট কমিটিগী প্রেসিডেন্ট তেনসুবম মনিহারনা থৌরম মপু ওইরগা চীফ গেষ্ট ওইনা পরিষদ অসিগী সেন্ট্রাল কমিটিগী ভাইস প্রেসিদেন্ট নামৈরাকপম বিদ্যা অমসুং গেষ্ট অব অনার ওইনা সেন্ট্রালগী এক্স. ভি. পি অনী পুখ্রম্বম কামিনী অমসুং ড. ফুরিৎসাবম বীরমনি শরুক য়াখি।
অয়ূক্তা পরিষদ অসিগী নন্দপুর ব্রাঞ্চকী প্রেসিডেন্ট হুইরোংবম বিনোদ বিহারীনা লুচিংদুনা লৈখিদ্রবা পরিষদকী অহলশিংগী মফমদা হৈরাং লৈসু কৎতুনা ইকাইখুম্নখি। ডিষ্ট্রিক্ট ভি. পি কেএইচ নবদ্বীপনা ওয়েলকাম অমসুং ডিষ্ট্রিক্ট সেক্রেটারী পিএইচ মনিবাবুনা কী-নোট এড্রেস পীখি হায়না হোজাইদগী ফংবা পাউদা হায়রি।
সোর্স: মরূপ
0 কমেন্ট:
কমেন্ট তৌবিয়ু