মণিপুরী সাহিত্য পরিষদ, আসামগী এক্সেক্যুটিভ কমিটি
শিলচর, ১৫ মার্চ : মণিপুরী সাহিত্য পরিষদ, আসামগী ৬২ শুবা চহীগী মীফমলেন এপ্রিল ৫ অমসুং ৬ দা পাঙথোক্লগনি। পরিষদকী লাক্লিবা চহী অহুমগী টার্মগীদমক এক্সেক্যুটিভ কমিটি শেম্লগনি। মসিগী দমক রিটার্র্নি অফিসার (আর ও) ওইনা লৈঙাক্কী পোত্থারবা সেক্রেটারী কে শান্তিকুমার অদুগা এসিঃ আর ও ওইনা প্রোঃ পি রাজবিহারী অমসুং প্রোঃ ৱাই রাজবিহারীবু খনখ্রে।
মরু ওইনা পরিষদকী কমিটিদা ভাইস প্রেসিডেন্ট (ভি.পি) মরি, জেনারেল সেক্রেটারী অমা, সেক্রেটারী মরি অমসুং ট্রেজারার অমা খল্লগনি হায়রি। হায়রিবা ফম অসিগীদমক চৎলিবা মার্চ তাং ২৩ দা নোমিনেশন ফোর্ম পীশিনবগী অরোইবা নুমিৎনি, মার্চ ২৬ দা স্ক্রটিনি অদুগা মার্চ ৩০ দা উইড্রোয়েল অরোইবা নুমিৎনি হায়না শিলচরদগী ফংবা পাউদা হায়রি।
পনবা য়াবদি সাহিত্য পরিষদ আসামগী ডিষ্ট্রিক্ট ১১ গী ব্রাঞ্চ ৪৬ লৈ। ডিষ্ট্রিক্টশিং অদুদি কাছা[ ডিষ্ট্রিক্ট মখাদা ব্রাঞ্চ ১৩ লৈ। অসুম্না লক্ষিপুর মখাদা ব্রাঞ্চ ৭, হোজাই মখাদা ৭, হাইলাকান্দি মখাদা ৭, করিমগঞ্জগী (শ্রীভূমি) মখাদা ব্রাঞ্চ ৩, কামরূপতা ব্রাঞ্চ ২, গোলাঘাটি মখাদা ২, কার্বি-আলংদা ২, শিবসাগরগী মখাদা ব্রাঞ্চ ১, ডিব্রুগড়-তিনসুকিয়াগী মখাদা ১ অমসুং ডিমা হাসাওদা ১ লৈ।
হায়রিবা ডিষ্ট্রিক্ট অমসুং ব্রাঞ্চ শিংদগী মীহুৎশিংনা পরিষদ অসিগী সেন্ট্রাল এক্সেক্যুটিভ কমিটি (সি.ই.সি) গী মেম্বর ওইগনি। মণিপুরী সাহিত্য পরিষদ আসাম অসি তোঙান তোঙান্না জোন মরি থোক্না খাদোক্লি।
সোর্স: মরূপ
0 কমেন্ট:
কমেন্ট তৌবিয়ু